Mine, eski jyldy tarıh enshisine qaldyryp, taǵy bir jańa jyldyń paraǵyn ashyp otyrmyz. Jyldar toǵysynda turǵanda «ne bitirdik, alda qandaı maqsattar bar?» degen oı árkimniń kóńilinde turady. Qasıetti Táýelsizdigimizdi alǵaly ýaqyt qazaq eliniń enshisine jumys istep jatqandaı seziledi. Qazir ekonomıkamyz qaryshtap damyp keledi. Údemeli ındýstrııalyq-ınnovasııalyq baǵdarlama sheńberinde jyl saıyn qýatty jobalar ómirge joldama alyp jatady. Jyl aıaǵynda Elbasymyz qatysqan telekópirde elimizdiń ár shalǵaıynda iske qosylǵan talaı óndirister men kásiporyndardy tamashaladyq. Nursultan Nazarbaev alda atqarylar, ekonomıkany damytýda nazarǵa ustar tustardy ortaǵa saldy. Jylqy jylynda da elimizdiń ekonomıkasy serpindi damıtynyna kózimiz jetkendeı, kóńilge qazirden-aq qýanysh uıalaǵandaı bolady.
Mine, eski jyldy tarıh enshisine qaldyryp, taǵy bir jańa jyldyń paraǵyn ashyp otyrmyz. Jyldar toǵysynda turǵanda «ne bitirdik, alda qandaı maqsattar bar?» degen oı árkimniń kóńilinde turady. Qasıetti Táýelsizdigimizdi alǵaly ýaqyt qazaq eliniń enshisine jumys istep jatqandaı seziledi. Qazir ekonomıkamyz qaryshtap damyp keledi. Údemeli ındýstrııalyq-ınnovasııalyq baǵdarlama sheńberinde jyl saıyn qýatty jobalar ómirge joldama alyp jatady. Jyl aıaǵynda Elbasymyz qatysqan telekópirde elimizdiń ár shalǵaıynda iske qosylǵan talaı óndirister men kásiporyndardy tamashaladyq. Nursultan Nazarbaev alda atqarylar, ekonomıkany damytýda nazarǵa ustar tustardy ortaǵa saldy. Jylqy jylynda da elimizdiń ekonomıkasy serpindi damıtynyna kózimiz jetkendeı, kóńilge qazirden-aq qýanysh uıalaǵandaı bolady.
Ýaqyt ozǵan saıyn jahandaný úderisi údeı túsken kezde biz de búkil álemmen bir kemeniń ústindegideı sezinemiz. Sondyqtan álem ekonomıkasynyń turaqtylyǵy Qazaqstanǵa da yqpaldy bolady. Bul oraıda, jańa jylda Elbasy saıasatynyń jetistigi kórinýge tıis dep oılaımyn. Elimizde «jasyl ekonomıka» baǵdarlamasy tujyrymdaldy. Bul jańa tehnologııalar, ádister, eńbek ónimdiligi men jerasty baılyǵyn únemdi tutyný, onyń sarqylýyna, sol arqyly ekologııalyq teńdikti saqtaý ekeni jurttyń barlyǵyna aıan, túsinikti bolyp otyr. 2017 jyly elimizde ótetin EKSPO-2017 halyqaralyq kórmesiniń tamashalary da osyndaı álemdik ózekti baǵytqa arnalmaq. Jańa jylda álemdik deńgeıdegi tańdanarlyq jańa tehnologııalar ekonomıkanyń barlyq salalaryna engizile bererine kepilmin.
Ekonomıka men áleýmettik sala tonnyń ishki baýyndaı úılesimdi bolǵanda, damýdyń da joly dańǵyl. Onyń ishindegi beldisiniń biri – bilim berý salasy der edik. Qostanaı memlekettik pedagogıka ınstıtýtyn bitirgen túlekterdiń biliktilik deńgeıine jumys berýshiler jaqsy baǵa berip otyr. Bul bilim ordasynyń reıtıngin kóterip tastady. Aldaǵy jyly «Dıplommen – aýylǵa!» baǵdarlamasynyń oryndalýy qarqyn alady dep senemin. Jas mamandar aýylǵa bet alǵanda, olarmen birge mektepterge jańa lep, jańa kúsh barady. Bul aýyl mektepteri men qalanyń bilim oshaqtaryndaǵy oqý sapasynyń teńesýine jaǵdaı jasaıdy. «Men jastarǵa senemin!» degen joq pa edi Maǵjan aqyn?! Pedagogıkadaǵy kadrlar jasarýy men jańashyldyǵy bilim sapasynyń kóterilýine kepil. Jańa jylda osy baǵytta kóp jumystardy oılastyryp otyrmyz.
Aýyl – bizdiń túp tamyrymyz, ulttyq tárbıe men ulttyq pedagogıkanyń qaınar bastaýy. Ony jańǵyrtý úshin elimizde, bizdiń oblysta da kóptegen baǵdarlamalar júzege asyp keledi. Degenmen, jylqy jyly aýyldy gazdandyrý jáne aýyzsý aparý jumystary aýqymdyraq júrgizilse, aýyldardyń berekesi kire tússe degen tilegim bar. Eldiń qalaǵa yzǵyp kóshýi azaısa eken deımin. Jyl saıyn oblys kartasynan birneshe aýyl syzylyp tastalady. Babalar murat etken ulan-baıtaq jerde aq shańqan aýyldardyń qonysy, qarasy kóbeıse eken deımin. Jylqy jyly elimizdegi jaqsy ister jalǵasyn tapsa, aýyl kórkeıedi, ekonomıka damıdy, bilim sapasy kóterile beredi. О́ıtkeni, órkendi eldiń bolashaqqa bastar baǵyty da osy emes pe? Jańa jyl qutty, beıbit, berekeli jyl bolsyn!
Qýat BAIMYRZAEV,
Qostanaı memlekettik pedagogıkalyq
ınstıtýtynyń rektory.