Qazaqstannyń Eńbek Eri Iýrıı Vladımırovıch Pıa jetekshilik etetin Ulttyq ǵylymı kardıohırýrgııa ortalyǵy – elimizdegi zamanaýı emdeý mekemeleriniń biri. Germanııa, Italııa, Belgııa, Fransııa, AQSh, Túrkııa, t.b. elderdiń jetekshi klınıkalarymen tyǵyz seriktestik qarym-qatynas ornatqan klınıka ashylǵaly munda júrekke myńdaǵan otalar jasalyp, eki syrqattyń júregi aýystyryldy. Tómende nazarlaryńyzǵa usynylyp otyrǵan lebizder osy ortalyqtyń qyzmetine degen el rızashylyǵy ekeni daýsyz.
Qazaqstannyń Eńbek Eri Iýrıı Vladımırovıch Pıa jetekshilik etetin Ulttyq ǵylymı kardıohırýrgııa ortalyǵy – elimizdegi zamanaýı emdeý mekemeleriniń biri. Germanııa, Italııa, Belgııa, Fransııa, AQSh, Túrkııa, t.b. elderdiń jetekshi klınıkalarymen tyǵyz seriktestik qarym-qatynas ornatqan klınıka ashylǵaly munda júrekke myńdaǵan otalar jasalyp, eki syrqattyń júregi aýystyryldy. Tómende nazarlaryńyzǵa usynylyp otyrǵan lebizder osy ortalyqtyń qyzmetine degen el rızashylyǵy ekeni daýsyz.
Qymbatty Iýrıı Vladımırovıch!
Sizge ulym Erkinbek Shaıahmetulynyń júregine ota jasap, janyn aman alyp qalǵanyńyz úshin alǵys aıtamyn. Siz talaılardyń ómirine arashashy bop júrgen jansyz. Eńbegińiz jana bersin.
Bári de qolynda ǵoı Jaratqannyń,
Dáriger, shıpaly eken alaqanyń.
Aldymen Allam qoldap, óziń bolyp,
Qaıta ómirge kelgendeı balapanym.
Keregi dárigerge tózim-erik.
Jasadyń qulynyma kózsiz erlik.
Qolymnan keletini ózińe arnap,
Syıladym az da bolsa óleń órip.
Tóleýhan ABYLQASYMQYZY.
Ulttyq ǵylymı kardıohırýrgııa ortalyǵynyń basqarma tóraǵasy Iýrıı Pıaǵa qazan aıynyń 24-inde oń jáne sol jaq qarynshany ımplantasııalaý boıynsha ótkizilgen ota úshin alǵys aıtamyz. Sizdiń otandyq medısınaǵa sińirip jatqan ólsheýsiz eńbegińiz, joǵary kásibıligińiz ben sheberligińiz bir bólek, janyńyzdan tógilgen shýaqtyń ózi naýqastyń aıyǵýyna úlken sep bolady dep esepteımiz. Osynda bolǵan kúnderde biz sizdiń jáne ózińiz basqaryp otyrǵan ujymnyń tek jaqsy qyrlaryna ǵana kýá boldyq. Árqashan da eńbekterińizdiń jemisin kóre berińizder. Qazaqstannyń «Eńbek Eri» ataǵyn alýyńyz da sol jemisti eńbektiń nátıjesi dep oılaımyz. Jańa jyl merekesi qutty bolsyn! О́zińizge jáne týystaryńyz ben jaqyndaryńyzǵa uzaq ǵumyr tileımiz!
Aleksandr ONOPRIENKO,
Lıýbov ONOPRIENKO.
Qymbatty Iýrıı Vladımırovıch!
Ulym Mandaev Qaıratqa kórsetken kómegińiz úshin otbasymnyń atynan alǵys aıtýdy jón kórip otyrmyn. Ulym mamyrdyń 12-sinde sanıtarlyq avıasııa kómegimen Aqtóbe qalasynan Astanadaǵy siz basqaratyn ortalyqqa aýyr jaǵdaıda jetkizilgen bolatyn. Ony ajaldan arashalap qalý úshin úlken eńbek jasadyńyz. Siz tek meniń balama ǵana emes, qolyńyz tıgen naýqastardyń barlyǵyna da jaqsylyq jasap kelesiz. Árqashan da tabysty bolyńyz!
Amangeldi MANDAEV,
Aqtóbe qalasynyń turǵyny.
Jubaıym Ádiljan Baımenge jasalǵan otanyń sátti ótkeni úshin ortalyqtyń búkil ujymyna otbasymnyń atynan alǵys aıtamyn. Ortalyqtaǵy barlyq aýrý jandar jazylyp shyqsyn dep tileımin. Adamdar kúnderin aýrýhanada tósekke tańylyp emes, ózderine qymbat jandardyń qasynda ótkizsin. Sol úshin otbasylyq bereke men tynyshtyq, mahabbat pen meıirim árbirimizge de joldas bolsyn. Al sizderdiń jumystaryńyz alǵa basa bersin! Eldiń alǵysyn ala berińizder!
Baımenovter otbasy.
Biz Qazaqstanda osyndaı ortalyqtyń bolǵany úshin qýanamyz. Osyndaı ortalyqta siz sekildi adamnyń jáne aınalańyzda kileń talantty da talapty, bilikti jastardyń júrgeni qandaı ǵanıbet. Siz ár naýqastyń keýdesine úmit otyn tutatyp, kóptegen adamdarǵa ómir syılap júrsiz. Sol úshin sizge alǵysymdy aıtamyn. Elimizde árqashan tynyshtyq bolsyn.
Mızam MUHAMBETOV,
Qostanaı oblysynyń turǵyny, zeınetker.
Ulttyq ǵylymı kardıohırýrgııa ortalyǵynda emdelip shyqtym. Ortalyq qyzmetkerleriniń jumysyna kóńilim toldy. Mekemeniń jumysy budan da ósip órkendeı bersin. Iýrıı Vladımırovıch bastaǵan barlyq aq halatty abzal jandarǵa alǵys aıtamyn. Eńbekterine sáttilik pen tabys tileımin. Jeke ómirleri baqytqa toly bolsyn!
Nurgeldi JEKSEMBAEV.