QR DSM Qoǵamdyq densaýlyq saqtaý ulttyq ortalyǵy basqarma tóraǵasynyń orynbasary Aınagúl Qýatbaeva KVI-men aýyrǵan adam emdelgennen keıin úsh aıdan soń vaksına alýy týraly sheshimniń qalaı qabyldanǵanyn túsindirdi, dep habarlaıdy Egemen.kz.
«Elordanyń bas memlekettik sanıtarlyq dárigeriniń qaýlysyna sáıkes aýyryp jazylǵan adamdy úsh aıdan keıin vaksınasııalaý usynylyp otyr. Mundaı sheshim ınfeksııadan keıin 3-6 aı aralyǵynda qaıta juqtyrý jaǵdaılarynyń jıi tirkelýine baılanysty týyndady», dedi Aınagúl Qýatbaeva.
Onyń aıtýynsha, koronavırýspen aýyrǵan azamattardy vaksınasııalaý onsyzda álsiregen aǵzanyń qaıta juqtyrmaýy úshin mańyzdy. Infeksııany qaıta juqtyrý ádette úlken qıyndyqtarǵa ákeledi.