Reseıdiń Volgograd qalasynda oryn alǵan teraktilerden keıin júrgizilip otyrǵan «Vıhr-Antıterror» arnaıy is-sharasy barysynda ózimen oq-dári tasyp júrgen jergilikti turǵyn qolǵa tústi. Bul týraly ITAR-TASS habarlady.
Reseı ishki ister mınıstrliginiń Volgograd oblystyq basqarmasy málimdegendeı, polısııa qyzmetkerleri 46 jasar er azamattyń qaltasyn tekserý kezinde 19 oq-dári tapqan.
Tergeý barysynda tutqyn olardy «Prýdboı» áskerı polıgony mańynan taýyp alǵanyn alǵa tartty. RF IIM Volgograd oblystyq basqarmasynyń qyzmetkerleri saraptama júrgizip, tárkilengen oqtardyń barlyǵy da atýǵa jaramdy ekenin anyqtady.
Volgograd turǵynyna qarsy oq-dárilerdi zańsyz saqtaý áreketi boıynsha qylmystyq is qozǵaldy. Kinási dáleldengen jaǵdaıda ol 4 jylǵa deıin bas bostandyǵynan aıyrylýy múmkin. Qazirgi ýaqytta tergeýshiler er azamattyń oq-dárilerdi qandaı maqsatpen saqtap júrgenin anyqtaýda.
Esterińizge sala keteıik, 29 jeltoqsan kúni Volgograd temirjol vokzalynda jankeshti lańkes óz-ózin jaryp jibergen. Osy oqıǵadan bir táýlik ótpeı jatyp, qalada jolaýshylar toly trolleıbýs jaryldy. Volgogadta oryn alǵan eki birdeı terakt saldarynan jalpy 34 adam qaza boldy. Qazirgi ýaqytta osy oqıǵalardan japa shekken 65 adam aýrýhanalarda jatyr. Onyń 20-sy Máskeýge jetkizildi.
Aıdar О́risbaev.
Derekkóz: Itar-tass.com
Foto: Itar-tass.com