Almatyda Qazaqstan-Shveısarııa týrızm jáne qonaq úı bıznesi ınstıtýtynda Shveısarııa baǵdarlamasy boıynsha týrızm qyzmetkerlerin daıarlaý bastaldy. Stýdentterdi qabyldaý 2021 jyldyń qyrkúıeginde bastalady, dep habarlaıdy Egemen.kz.
Qala turǵyndaryn oqytý jáne jumysqa ornalastyrý úshin kondıterler men naýbaıshylardy oqytý ortalyǵy da iske qosyldy.
Oqý meıramhana-qonaq úı kesheniniń bazasynda Shveısarııa baǵdarlamasynyń stýdentteri ǵana emes, sonymen qatar Almaty tehnologııalyq ýnıversıteti men kolledjiniń meıramhana isi jáne qonaq úı bıznesi baǵdarlamasy boıynsha barlyq oqýshylar tájirıbeden ótedi.
Joba týrızm salasyndaǵy bolashaq mamandar úshin jańa jattyǵý bazasyna bolady. Munda «Atameken» Ulttyq Kásipkerler palatasy, Jumyspen qamtý ortalyǵy men kolledjder jasasqan «jańa jumys oryndaryn qurý jáne jańa mamandyqtarǵa qaıta daıarlaý» kelisimi sheńberinde daıarlaý men biliktilikti arttyrý ortalyǵynyń stýdentteri bilim alady.
Qazaqstan-Shveısarııa týrızm jáne qonaq úı bıznesi ınstıtýtynyń dırektory Ǵalııa О́tebekovanyń aıtýynsha, stýdentterdi qabyldaý 2021 jyldyń qyrkúıeginde bastalady. Keshende bilim berý meıramhanasynda 10 nómirli shaǵyn qonaq úı qarastyrylǵan. Investısııa kólemi 750 mln. teńgeni quraıtyn 10 jumys orny ashyldy.
Oqý meıramhana-qonaq úı kesheniniń maqsaty – týrızm, meıramhana jáne qonaq úı bıznesin basqarý salasynda zamanaýı bilim men praktıkalyq daǵdyǵa ıe, qazaqstandyq jáne sheteldik naryqta básekege qabiletti kásibı kadrlardy sapaly daıarlaý.
Jańa oqý ortalyǵy 30 oryndyq, ári qaraı 100 orynǵa deıin keńeıtiledi. Munda az qamtylǵan jáne kóp balaly otbasylardan shyqqan qala turǵyndary, sondaı-aq múmkindigi shekteýli adamdar bilim alady. Sabaqtar master-klass formatynda ótkiziledi.
Aspazdyq salasyndaǵy suranysqa ıe mamandyqtarǵa oqytý úshin Túrkııadan kásibı shef-kondıter Chetın Chalyshkan shaqyryldy. Oqý ortalyǵynyń túlekteri jumysqa ornalasý múmkindigine ıe bolady. Joba áleýmettik kásipkerlikti damytý aıasynda júzege asyryldy.