«Qazgıdromet» mamandary 6 shilde kúni Qazaqstan aýmaǵynda aýa raıy qandaı bolatynyn aıtty, dep habarlaıdy, Egemen.kz.
Vedomstvonyń málimetinshe, respýblıkanyń basym bóliginde atmosferalyq fronttardyń áserinen aýa raıy turaqsyz bolady.
Naızaǵaı jarqyldap, burshaq jaýady. Jel kúsheıip, ótkinshi jańbyr jaýady.
Aqmola oblysynyń keı jerlerinde - naızaǵaı, burshaq, daýyl. Jel ekpini - 15-20 m/s.
Kúndiz Almaty, Túrkistan oblystarynyń taýly aýdandarynda kún kúrkireıdi.
Túrkistan oblysynda daýyl turady. Naızaǵaı kezinde jel qarqyny 15-20 m/s jetedi.
Atyraý, Mańǵystaý oblystarynyń keı jerlerinde naızaǵaı oınaıdy. Jel jyldamdyǵy 15-20 m/s deıin kúsheıedi. Kúndiz Mańǵystaý oblysynyń keı jerlerinde shańdy daýyl soǵady.
Batys Qazaqstan oblysynyń keı jerlerinde naızaǵaı oınap, jeldiń kúshi 15-20 m/s jetedi. Kúndiz keı jerlerde daýyl turyp, burshaq jaýady.
Aqtóbe oblysynyń keı jerlerinde sekýndyna 15-20 metr jyldamdyqpen kúshti jel soǵady. Kúndiz keı jerlerde naızaǵaı jarqyldaıdy.
Qostanaı oblysynda jel ekpini - 15-23 m/s. Keı jerlerde - naızaǵaı, daýyl, burshaq.
Soltústik Qazaqstan oblysynda da kún kúrkirep, daýyl turady, burshaq jaýady. Sekýndyna 15-25 metr jyldamdyqpen qatty jel soǵady.
Kúndiz Pavlodar oblysynyń keı jerlerinde kún kúrkirep, daýyl soǵady, burshaq jaýady. Jel qarqyny 15-20 m/s deıin kúsheıedi.
Qaraǵandy oblysynyń keı jerlerinde naızaǵaı jarqyldaıdy, kúndiz jel ekpini - 15-20 m/s.
Túnde jáne tańerteń Shyǵys Qazaqstan oblysynyń keı jerlerinde naızaǵaı oınaıdy.
Kúndiz Atyraý, Batys Qazaqstan, Aqtóbe, Almaty, Jambyl, Túrkistan, Qaraǵandy, Mańǵystaý, Shyǵys Qazaqstan oblystarynda aptap, Qyzylorda oblysynyń basym bóliginde óte qatty ystyq saktalady.
Qyzylorda, Túrkistan, Aqtóbe oblystarynda, Mańǵystaý, Atyraý, Jambyl, Qostanaı oblystarynyń basym bóliginde, Qaraǵandy, Batys Qazaqstan, Almaty oblystarynyń keı jerlerinde tótenshe órt qaýpi saqtalady.