«Túrkistan oblysynyń Bas memlekettik sanıtarlyq dárigeri Nurbek Nyshanov óńirdegi karantın men shekteý sharalaryn qatańdatý týraly jańa qaýly qabyldady, dep habarlaıdy Egemen.kz.
Jańa qujatta koronavırýs ınfeksııasy boıynsha epıdemıologııalyq jaǵdaı turaqtalǵansha Túrkistan oblysy aýmaǵynda karantın men shekteý sharalaryn qatańdatý jazylǵan.
«Buqaralyq is-sharalardy, otbasylyq is-sharalardy kópshilik jınalatyn oryndar men úı aýmaǵynda ótkizýge tyıym salynsyn.
Qoǵamdyq oryndarǵa jáne qyzmetine ruqsat etilgen nysandarǵa barǵanda maska taǵý, áleýmettik ara qashyqtyq saqtaý jáne antıseptık paıdalaný talaptary qatań saqtalsyn.
Oıyn-saýyq nysandarynyń (túngi oıyn klýbtary, karaoke, býkmekerlik keńseler, jabyq ǵımarattaǵy balalar alańdary, batýt pen attraksıondar) qyzmetine tyıym salynsyn.
«Ashyq» jobasyna qatyspaǵan nysandar – mádenıet nysandary, teatrlar, kınoteatrlar, konsert zaldary, fılarmonııalar, oblysaralyq turaqty emes tasymaldar (týrıstik), bılıard, kompıýterlik klýbtar, boýlıng, sırk, banket zaldarynyń qyzmetine tyıym salynsyn», dep jazylǵan qujatta.
65 jastan asqan adamdardyń aýdan, kalalarda qajettilik týyndamaǵan jaǵdaıda júrýin shekteý jazylǵan.
Sonymen birge, qalalyq qoǵamdyq kólik jumysyna saǵat 06:00-den 23:00-ge deıin ruqsat etilgen. Onda mindetti túrde maska taǵý, sanıtaızer ornatý jáne 50% tolymdylyǵyn saqtaý talap etilgen.