7 shildede respýblıkanyń basym bóliginde atmosferalyq frontaldy bólikterdiń áserinen qubylmaly aýa raıy saqtalyp, jańbyr boljanady. Soltústik-batysta, soltústikte qatty jańbyr kútiledi. Keı jerlerde naızaǵaı, burshaq, daýyl, ekpindi jel, ońtústikte, ońtústik-batysta shańdy daýyl bolady, dep habarlaıdy Egemen.kz.
Atap aıtqanda, Aqmola, Aqtóbe, Qostanaı, túnde Pavlodar oblystarynyń keı jerlerinde naızaǵaı, burshaq, daýyl kútiledi, jeldiń kúshi - 15-20 m/s. Qostanaı oblysynda jeldiń ekpini 25 m/s deıin kúsheıedi.
Qyzylorda, Mańǵystaý, Atyraý oblystarynda jeldiń jyldamdyǵy 15-20 m/s artyp, shańdy daýyl soǵady.
Mańǵystaý, Atyraý oblystarynda naızaǵaı oınap, Batys Qazaqstan oblysynda jeldiń jyldamdyǵy 15-20 m/s kúsheıedi, kúndiz keı jerlerde daýylbolyp, burshaq jaýady.
Soltústik Qazaqstan, Qaraǵandy, Shyǵys Qazaqstan, kúndiz Jambyl oblystarynda naızaǵaı kútiledi, jeldiń ekpini 15-25 m/s kúsheıedi. Kúndiz Almaty, Jambyl, Túrkistan oblystarynda qatty ystyq, keı jerlerinde óte qatty ystyq bolady.
Al Qyzylorda oblysynyń basym bóliginde óte qatty ystyq saktalady. Kúndiz Mańǵystaý, Atyraý, Shyǵys Qazaqstan oblystarynda, Qaraǵandy, Qostanaı oblystarynyń ońtústiginde aptap ystyq áli de jalǵasady.
Sondaı-aq Qyzylorda, Túrkistan, Mańǵystaý, Atyraý, Jambyl, Aqtóbe, Qostanaı oblystarynyń basym bóliginde, Qaraǵandy, Batys Qazaqstan, Almaty oblystarynyń keı jerlerinde tótenshe órt qaýpi saqtalady.