Qazaqstan boıynsha 8-10 shildege arnalǵan aýa raıy boljamy jarııalandy, dep habarlaıdy Egemen.kz.
«Kaspıı teńiziniń soltústiginde qalyptasqan sıklon jáne onymen baılanysty frontaldy bólimder 8-10 shilde aralyǵynda Qazaqstannyń búkil aýmaǵyn qamtı otyryp, soltústik-shyǵys baǵytqa yǵysatyn bolady. Osyǵan baılanysty batysta, soltústik-batysta, soltústikte, ortalyqta jáne shyǵysta qatty jańbyr jaýady, olar naızaǵaı, burshaq, ekpindi jelmen birge júredi», delingen «Qazgıdromet» habarlamasynda.
Batysta aýa temperatýrasy túnde +13+23℃ deıin jylynady, al kúndiz +23 +32℃ deıin, respýblıkanyń soltústiginde, soltústik-batysynda túnde +10+21℃ kútiledi, kúndiz termometr +20+28℃ temperatýraǵa jetedi. Eldiń ortalyǵynda jáne shyǵysynda túnde +13+23℃, kúndiz +25+37℃, al Qazaqstannyń ońtústiginde jáne ońtústik-shyǵysynda túngi temperatýra +18+25°S, kúndiz +30+42°S bolady.