Nur-Sultan qalasyndaǵy eki qosymsha stasıonar juqpaly aýrýlar aýrýhanasyna beıimdeldi. Qalalyq psıhıkalyq densaýlyq ortalyǵynyń 230 tósegi men QR Qorǵanys mınıstrliginiń Bas áskerı klınıkalyq gospıtaliniń 90 tósegi , dep habarlaıdy Egemen.kz.
Eki stasıonarda da reanımasııalyq tósekter bar. Olar koronavırýstyq ınfeksııany emdeý úshin barlyq qajetti medısınalyq jabdyqtarmen jabdyqtalǵan.
«Aýrýdyń ortasha jáne aýyr aǵymy bar naýqastardy sol jaǵalaýdaǵy psıhıkalyq densaýlyq ortalyǵynyń narkologııalyq blogyna, sondaı-aq áskerı gospıtalǵa jatqyzamyz», dedi elordanyń qoǵamdyq densaýlyq saqtaý basqarmasynyń basshysy Tımýr Muratov.
Onyń aıtýynsha, psıhıkalyq densaýlyq ortalyǵynyń emdelýshileri basqa korpýsqa aýystyrylady.
О́tken jyly psıhıkalyq densaýlyq ortalyǵy men Bas áskerı klınıkalyq aýrýhana juqpaly aýrýlar aýrýhanalaryn ashqan edi. Aýrýdyń qarqyny tómendegeni baıqalyp, 2020 jyldyń tamyzynda olar ýaqytsha jabyldy.
«Elimizdegi koronvırýsqa shaldyqqan naýqastardyń ósýi maýsym-shilde aılaryna keledi. О́tken jazdy eske túsiretin bolsaq, aýrýdyń shyńy dál osy aılar boldy. Halyqty barynsha úıde ustaý qıyn. Adamdar qoǵamdyq oryndarǵa baryp, sanıtarlyq talaptardy saqtamaıdy», dep túsindirdi vedomstvo basshysy.
Nur-Sultan qalasynda koronavırýsqa shaldyqqan 1877 naýqas ınfeksııalyq stasıonarlarda jatyr, tósek-oryn júktemesi 77%-dy quraıdy. Jansaqtaý bóliminde 147 adam, О́JJ-de 30 naýqas jatyr.
«Koronavırýspen kúreste jalǵyz tıimdi ádis - vaksınkasııa. Ol ózimizdiń de, jaqyndarymyz ben aınalamyzdaǵy adamdardyń densaýlyǵyn da qaýipsizdendirýge múmkindik beredi», dep aıtty Tımýr Muratov.