Túrkııanyń tanymal «Ierli Dúshúndje»( Yerli Düşünce) jýrnaly tolyq sanyn Túrkistan qalasyna arnady, dep habarlaıdy Egemen.kz.
Basylym «Iаssaýı jolynyń syry, Túrki áleminiń júregi - Túrkistan» atymen jaryq kórdi. 128 betten turatyn jýrnalǵa Túrkııa prezıdentiniń Bas keńesshisi Iаlchyn Topchynyń, halyqaralyq TÚRKSOI uıymynyńy Bas hatshysy Dúısen Qaseıinovtyń, QR Túrkııadaǵy elshisi Abzal Saparbekulynyń, ál-Farabı atyndaǵy Qazaq ulttyq ýnıversıtetiniń rektory Janseıit Túımebaevtyń jáne túrkııalyq belgili ǵalymdardyń maqalalary men suhbattary toptastyrylǵan.
Túrki áleminiń zııalylary Túrkistan qalasynyń ótkeni men búgini jáne bolashaǵy jaıynda syr shertken. Q.A.Iаssaýı atyndaǵy qazaq-túrik ýnıversıtetiniń zertteýshisi Fatma Sónmez Túrkııadan arnaıy kıeli Túrkistanǵa baryp, qasıetti jerlerin aralap kólemdi maqala jazǵan.