Vırýs juqtyrý azaımaı tur

– Jaqynda monıtorıng to­by osyndaı 74 is-sharany anyq­tady. Bul byltyrǵy osy kezeń­de indettiń órshigenin umyt­qa­nymyzdy baıqatady. Son­dyqtan turǵyndardyń shekteý sharalaryn saqtap, vaksına alǵany jón, – deıdi M.Tanaýov.

Al oblystyq densaýlyq saq­taý basqarmasy basshysynyń orynbasary Qaısar Abdalıevtiń máli­metinshe, Atyraýda maýsym­nyń sońy men shildeniń basyn­da­ koronavırýs ınfeksııa­syn­ juqtyrǵandar sany 35,9%-ǵa ósken. Máselen, 28 maý­symda qaýipti vırýsty 66 adam juq­tyrǵan. Al 1 shildede – 103, 2 shil­de­de 137 jaǵdaı anyqtalǵan.

– Qazir óńirde 2 098 tósektik 10 ınfeksııalyq stasıonar da­ıyn­­­daldy. Onyń ishinde Aty­raý qa­lasynda 460 tósektik orny bar úsh stasıonar, Teńiz ken or­nynda 1 360 tósektik oryn­dyq sta­sıonar, jeti aýdanda 278 tó­sektik orynǵa arnalǵan sta­sıo­nar jumys is­teıdi. Al reanı­ma­sııalyq tósektik oryn sany – 81. Buǵan qosa, 750 tósektik oryndyq qosym­sha rezerv­tik ınfeksııalyq stasıonar da­ıyn tur, – deıdi Q.Abdalıev.

Onyń aıtýynsha, 2 shildede modýldik aýrýhanadaǵy tósektik orynnyń 90 paıyzyna naýqastar jatqyzylypty. Jan­saqtaý bó­limine 24 pasıent tús­ken. Onyń jıyrmasy aýyr halde jatyr. Jaǵdaıy óte aýyr tórt naýqas ók­peni jasandy jeldetý apparatyna qosylypty.

Shyndyǵynda, Atyraýda soń­ǵy kúnderi koronavırýs ınfek­sııa­syna shaldyǵý deregi údep barady. Máselen, 3 shildede qaýipti vırýsty juqtyrǵandar Atyraý qalasynda, jeti aýdan men Teńiz kenishinde tirkeldi.

– Bul táýlikte 154 adamnan koronavırýs ınfeksııasy anyq­taldy. Onyń ishinde 99 naýqas – Atyraý qalasynyń turǵy­ny. Sondaı-aq Qurmanǵazy aýda­nyn­da – 11, Jylyoıda – 11, Isataıda – 7, Inderde – 7, Qyzyl­qoǵada – 7, Mahambette – 4, Maqat aýdanynda 2 adamnan vırýs belgisi tabyldy. Al Teńiz kenishinde 6 jumysshy qaýip­ti indetke shaldyqty, – dep má­lim etti basqarmanyń baspasóz qyzmetinen.

Osyǵan baılanysty óńirdegi ınfeksııalyq stasıonarlarda jatqan naýqastardyń sany 518 adamǵa jetken. Onyń ishinde modýldik aýrýhanada – 182, №2 oblystyq aýrýhanada – 140, aýdandardaǵy stasıonarlarda – 119, Teńiz ken ornyndaǵy stasıo­narda 52 adam emdelip jatyr. Qa­zir úı jaǵdaıynda emdelýge 512 adam oqshaýlanǵan.

Osyndaı derekterge qara­mas­tan, koronavırýs ınfeksııa­syna qarsy vaksına saldyrý qar­qyn ala bastaǵany baıqalady. Eli­mizde jappaı vaksınalaý bas­talǵan 1 aqpannan 3 shildege deıin 94 340 atyraýlyq qaýipti vırýsqa qarsy vaksınalardyń I komponentin saldyrdy. Vaksı­nalardyń II komponentin 51 633 adam ektirdi. Al 3 shildede Spýt­nık V, QazVac, Nayat Vax vaksınalarynyń I komponentin 3 611 atyraýlyq saldyrdy. Ek­pe alǵandardyń qatarynda 212 dáriger, 285 pedagog, 38 stýdent, arnaıy mekemelerdiń 27, qu­qyq qorǵaý organdarynyń 21 qyz­metkeri, 61 memlekettik qyz­metshi, 175 sozylmaly syr­qatqa shaldyqqan 175 adam men jergilikti 2 792 turǵyn bar.

О́ńirdegi epıdemııalyq ahýal­dyń kúrdelenýine baı­lanys­ty bas sanıtar dáriger M.Tanaýov karantındik shek­teýlerdi kúsheı­tetin jańa qaý­lyǵa qol qoıdy. Jańa qaýly 5 shildede kúshine endi.

– Saýda úıleri men saýda-oıyn saýyq ortalyqtaryna (pavılondar, býtıkter), saýda jelilerine saǵat 10.00-den 19.00-ge deıin (toltyrylýy obekt syıymdylyǵynyń 30%-nan asyrmaı, 1 kelýshige 4 sharshy metrden kem emes) tek qana jumys kúnderi jumys isteýine ruq­sat etiledi. Bul rette olarda ornalasqan attraksıondardyń, oıyn alańdarynyń, oıyn or­talyqtarynyń, qoǵamdyq tamaq­tandyrý obektileriniń jumy­syna tyıym salynady, – delingen qaýlyda.

Sondaı-aq sulýlyq salondary, shashtarazdar, kos­meto­logııalyq qyzmet kórsetetin nysandardyń jumys kúnderi saǵat 09.00-den 19.00-ge deıin, sport keshenderi, fıtnes-or­talyqtar, fıtnes-klýbtar, ıoga ortalyqtary, sporttyq-saýyq­tyrý nysandary (olarda ornalastyrylǵan basseınder, saý­nalar, SPA, massaj, pılıng), saýnalar, SPA-ortalyqtar, basseınder jumys kúnderi saǵat 07.00-den 22.00-ge deıin jumys isteıdi. Al Ashyq jobasyna qa­tysatyn nysandardyń jumys rejimi saǵat 07:00-den 24:00-ge deıin sozylady.

Al 5 shildede taǵy da 149 aty­raýlyq qaýipti vırýsty juq­tyrdy.

Atyraý oblysy