Japonııa úkimeti Tokıoda 12 shilde men 22 tamyz aralyǵynda koronavırýs ınfeksııasyna baılanysty tótenshe jaǵdaıdy engizedi, dep habarlaıdy Egemen.kz.
Bul týraly Infeksııanyń taralýyna qarsy kúres jónindegi ortalyq shtabtyń qyzmetin úılestiretin Japonııanyń ekonomıkalyq qalpyna keltirý mınıstri Iаsýtoshı Nıshımýra jýrnalısterge beısenbide saraptama komıssııasynyń otyrysynda aıtty.
«Tokıoda ınfeksııalar sanynyń kóbeıý tendensııasy jalǵasýda, buǵan qosa, delta shtamy taralýda. Sondyqtan ınfeksııany boldyrmaý jáne densaýlyq saqtaý júıesin qorǵaý úshin biz 12 shilde men 22 tamyz aralyǵynda tótenshe jaǵdaı rejımin engizemiz», dedi ol .
Osylaısha, tótenshe rejım Tokıoda Japonııa astanasynda 23 shilde men 8 tamyz aralyǵynda ótetin jazǵy Olımpıada oıyndary kezinde jumys isteıdi. Nıshımýra sonymen qatar osy merzimge mınıstrler kabıneti Okınavanyń ońtústik prefektýrasynda tótenshe jaǵdaı rejımin engizip jatqanyn málimdedi.
Sonymen qatar Chıba, Saıtama jáne Kanagava shyǵys prefektýralarynda, sondaı-aq batys Osakada ınfeksııanyń taralýyna qarsy kúsheıtilgen sharalar 22 tamyzǵa deıin uzartyldy.