Úndi shtamy úlkenge de, kishige de qaýip

Indet bilingeli beri oblysta koronavırýs ınfeksııasynyń 7 392 jaǵdaıy tir­kelgen. Onyń 3 392-si ótken jyly anyq­talsa, 4 myńy jyl basynan beri belgili bolyp otyr. Byltyr shilde aıynda 1 775 naýqas tirkelip, órshigen dert jurttyń esin shyǵarǵan edi. Bıyl indet 1 540 adam baıqalǵan sáýir aıynda kóp tirkeldi. Ma­myr aıynyń úshinshi onkúndiginen bastap azaıyp, maýsymnyń ortasynda táýligine 6-7 adamǵa deıin tómendedi.

– Biraq elimizden mýtasııalanǵan úndi shtamy baıqalyp, epıdemııalyq ahýal kúr­delenip ketkenin bilesizder. Onyń balalar arasynda, 1 jasqa deıingi nárestelerden anyqtalýy bizdi alańdatyp otyr. Oblys­tan respýblıkaǵa referens zerthanasyna 22 synama joldanyp, onyń 13-inen úndi shtamynyń serotıpi anyqtaldy, – deıdi departament basshysy.

Dúnıejúzilik densaýlyq saqtaý uıy­mynyń deregi boıynsha «Delta» álemniń 200-ge jýyq elinen baıqalǵan. Onyń juǵý jyldamdyǵy aldyńǵylarǵa qaraǵanda 60 paıyzǵa joǵary jáne ınkýbasııalyq kezeńi de 2 ese qysqa. Iаǵnı vırýstyń bul túri úl­kenge de, kishige de qaýip.

– Infeksııadan qorǵanýdyń birden bir joly vırýsqa qarsy vaksınanyń tolyq kýrsyn alý, – deıdi Dınara Jańaber­ge­nova. – Oblysta ekpe jasaıtyn 106 kabınet bar. Jeti monıtorıngtik top emdeý mekemelerinde vaksınalardy ta­symaldaýǵa, «muzdaı tizbek» ereje­le­ri­niń saqtalýyna, ekpe salýda reglament talaptarynyń, arnaıy erejelerdiń bu­zyl­maýyna, ekpe alǵan turǵyndarǵa medı­sınalyq baqylaý jasalyp, málimetter­diń «Vaksınasııa» modýline engizilýine júıe­li túrde monı­torıngtik baqylaý jasap otyr. Kemshilikter oblystyq shtabta qaralyp, qorytyndysy boıynsha tıisti laýazymdy tulǵalarǵa hattamalyq tapsyrmalar berilýde.

Medısınalyq aqparattyq júıeniń derekterine sáıkes bıylǵy 1 aqpan men 6 shilde aralyǵynda oblysta vaksınanyń 1 komponentin ektirgender sany 173 630 adamǵa jetken. Ekinshi bóligin 93 338 tur­ǵyn alypty.

Departament basshysy talap pen ty­ıymdy elemeı túrli otbasylyq shara, me­­rekelerdi ótkizetinder azaımaı otyr­ǵan­dyǵyn da aıtyp ótti. О́ńirdegi 167 mo­nı­­torıngtik top jyl basynan beri 10 621 nysanǵa reıd jasaǵan. Tekserý kezinde ka­rantın talaptaryn buzýdyń 343 deregi anyq­talyp, aıyppul salyndy.

Brıfıngte Dınara Oljabaıqyzy tym qaýipti vırýs túrin juqtyrýdan aýlaq bolý úshin kópshilik jerlerge barýdy doǵara turyp, merekelik is-sharalardy onlaın formatta ótkizý jón ekenin aıtty.

Qyzylorda oblysy