Ulttyq bank tóraǵasy Erbolat Dosaev Úkimettiń keńeıtilgen otyrysynda ınflıasııany aýyzdyqtaýǵa baǵyttalǵan sharalar týraly málimet berdi, dep habarlaıdy Egemen.kz.
«Ulttyq bank siz 2021 jyly aıqyndaǵan negizgi basymdyqtarǵa sáıkes iskerlik belsendilikti qalpyna keltirýge baǵyttalǵan beıimdelgen aqsha-kredıt saıasatyn júrgizdi. Bıylǵy aqpanda sizdiń makrokonomıkalyq saıasattyń úlesin kúsheıtý maqsatynda alǵa qoıǵan mindetterińizdi iske asyrý úshin Ulttyq bank Qarjy naryǵyn retteý jáne damytý agenttigimen 2021-2023 jyldarǵa arnalǵan kelisimge qol qoıdy», dedi Ulttyn bank tóraǵasy.
Ol, sondaı-aq, eldegi ınflıasııa deńgeıi 7,9 paıyz bolǵanyn atap, ony tizgindep ustaý úshin reformalar ázirleýge kúsh salynyp jatqanyn málim etti.
«Jyl basynan bastap jekelegen tutyný naryqtaryndaǵy teńgerimsizdik nátıjesinde ınflıasııa 2021 jylǵy maýsymda 7,9 prosent boldy. Orta merzimdi perspektıvada ınflıasııany turaqtandyrý úshin Ulttyq bank naýryzda monetarlyq negizderdi kúsheıtýge, qarjy naryǵyn damytýǵa jáne ekonomıkada qurylymdyq reformalar júrgizýge baǵyttalǵan aqsha-kredıt saıasatynyń 2030 jylǵa deıingi strategııasyn bekitti», dedi Erbolat Dosaev.