Ortalyq memlekettik organdardyń qyzmetkerleri úshin jalaqy 2024 jylǵa deıin jyl saıyn 30 paıyzǵa kóterilip otyrady. Bul týraly QR Premer-Mınıstri Asqar Mamın aıtty, dep habarlaıdy Egemen.kz.
«82 myń memlekettik qyzmetshiniń aılyǵy kóteriletin bolady. Osy jyldyń 1 shildesinen bastap, jergilikti atqarýshy organdar qyzmetkerleri úshin jalaqy 1,9 esege kóteriledi. 2020 jyldyń 1 qańtaryna bastap ortalyq memlekettik organdardyń qyzmetkerleri úshin jalaqy 2024 jylǵa deıin jyl saıyn 30 paıyzǵa kóterilip otyrady», dedi Premer-Mınıstr.
Úkimet basshysynyń aıtýynsha, pedagogterdiń ortasha jalaqysy 253 myń teńgege deıin, dárigerlerdiń jalaqysy 320 myń teńgege deıin, áleýmettik qyzmetkerlerdiń jalaqysy 180 myń teńgege deıin, memlekettik qyzmetshilerdiń jalaqysy 267myń teńgege deıin artady.