Eraly Toǵjanov Úkimettiń keńeıtilgen otyrysynda Prezıdentke eldegi epıdemıologııalyq ahýal týraly esep berdi, dep habarlaıdy Egemen.kz.
«Delta shtamynyń elimizde tirkelýine baılanysty Úkimet epıdemıologııalyq jaǵdaıdy turaqtandyrý boıynsha keshendi aldyn alý sharalaryn qabyldady. Birinshi, densaýlyq saqtaý júıesiniń barlyq resýrstary jumyldyryldy. Materıaldyq-tehnıkalyq jabdyqtar, dári-dármektiń eki aılyq qory, kadrlyq rezerv daıyndaldy.
Ekinshi, qalyptasqan epıdahýalǵa baılanysty barlyq óńirlerde karantındik sharalar qatańdatyldy. Úshinshiden, búginde jalpy 32 myń ınfeksııalyq tósek-oryn bar, onyń 37 paıyzy qoldanysta. Degenmen eń kúrdeli jaǵdaı Nur-Sultanda, keshe qalada qosymsha tósek-oryndar ashyldy. Qabyldanǵan sharalarǵa qaramastan munda ınfeksııalyq oryndardyń 62 paıyzy, reanımasııalyq oryndardyń 85 paıyzy naýqastarmen tolyp otyr. Onyń sebebi – elordada sońy aıda naýqastaný sany tórt esege artyp otyr», dedi Eraly Toǵjanov.