Búgin Ulttyq ulannyn 5573 áskerı bólimniń aýmaǵynda jas shaqyrylym sarbazdaryn Áskerı ant qabyldaý rásiminiń saltanaty onlaın rejımde ótti, dep habarlaıdy Egemen.kz.
Áskerı qyzmetke baratyn jáne jas sarbaz kýrsyn aıaqtaǵan jas sarbazdar Otan qorǵaýshylarymen birtutas quramda turýǵa saltanatty túrde Áskerı ant qabyldady. Qazaqstannyń barlyq aımaqtarynan 800-ge jýyq jas jaýynger Otanǵa adal bolýǵa ant berýge keldi.
Áskerı ant - bul Memleket basshysy bekitken, ár azamattyń bizdiń elimizdi qorǵaý úshin jeke jaýapkershiligin qamtamasyz etetin zańdy qujat.Jas jaýyngerler úshin búgin ataýly kún. Áskerı ant qabyldaý - bul Otannyń ar-namysyn, bostandyǵy men táýelsizdigin qorǵaý mindetteri aıqyn jazylǵan patrıottyq jáne adamgershilik is-áreket.Ár jyly azamattyq paryzyn oryndaýǵa Ulttyq ulan qataryna jas órender keledi. Olardyń negizgi maqsaty - adamnyń jáne azamattyń quqyqtary men bostandyqtaryn qylmystyq jáne ózge de quqyqqa qarsy qolsuǵýshylyqtardan qorǵaý bolyp tabylady. Bul olarǵa úlken jaýapkershilikti júkteıdi.Elordanyń bas sanıtarlyq dárigeriniń qaýlysyna jáne qalanyń "qyzyl aımaqta" bolýyna baılanysty saltanatty rásim onlaın rejımde, sarbazdardyń jaqyndary men týystarynyń jáne yqpaldastyq organdar ókilderiniń qatysýynsyz ótkizildi. Buǵan qosa, elordalyq jedel brıgada ómirindegi ataýly oqıǵaǵa arnaıy qonaqtar keldi. Ulttyq ulan Bas qol basshylyǵynan Áskerı keńes hatshysy polkovnık Saverdın Imırov jáne quqyqtyq ásker ardageri general-maıor Saǵatbek Nurahmetov ózderiniń izgi tilekterin bildirdi. Saltanatty bólimniń sońynda qurmetti qaraýyl rotasynyń áskerı qyzmetshileri qonaqtar men is-sharaǵa qatysýshylary úshin defıle men qoıan-qoltyq urys tehnıkalaryn Ulttyq ulan úlgili-kórsetilimdi orkestriniń mýzykalyq súıemeldeýimen kórsetti.