Batys Qazaqstan oblysynda ıt bes jasar qyzdy qaýyp óltirdi, dep habarlaıdy Egemen.kz.
Oqıǵa Báıterek aýdany Trekın aýylynda 9 shilde kúni keshke qaraı boldy.
Aýyl turǵyndarynyń sózine qaraǵanda, bes jasar qyz Reseıden otbasymen osynda turatyn atasyna qydyryp kelgen. Atasymen birge dalaǵa shóp shabýǵa barǵan kezde ıtke talanyp qalǵan. It atasyniki eken.
Aýyl ákimi Málik Seıtov qaıǵyly oqıǵanyń oryn alǵanyn rastady.
BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, qyz oqıǵa ornynda kóz jumdy. Onyń múrdesi sot-medısınalyq saraptamaǵa jiberildi.