Atyraýda balyqshy sharýashylyǵy qyzmetkerleri kúnine oraı sala úzdikteri men ardagerleri marapattaldy, dep habarlaıdy Egemen.kz.
Oblys ákiminiń orynbasary Qaırat Nurlybaevtyń aıtýynsha, munaıly óńirinde balyq aýlaý, óńdeý isine 18 tabıǵat paıdalanýshy kásiporyn tartylyp otyr.
«Byltyr oblysta «Balyq sharýashylyǵyn damytýdyń 2021-2030 jyldarǵa arnalǵan óńirlik baǵdarlamasy» qabyldandy. Sodan beri atalǵan baǵdarlamaǵa sáıkes, 9jobany júzege asyrý josparlandy» deıdi Qaırat Nurlybaev.
Kásibı merekege oraı «Balyq sharýashylyǵy salasyndaǵyminsiz qyzmeti úshin» tósbelgisimen Rashıden Qalıdýllın, Meıramgúl Ońaıbaeva, Ekologııa, geologııa jáne tabıǵı resýrstar mınıstrliginiń qurmet gramotasymen Zına Tıýmeshova men Zýhra Ǵubashevalar marapattaldy.
Al «Vostok» seriktestiginiń zveno jetekshisi О́mirzaq Azbergenov «Balyq sharýashylyǵy salasyna eńbek sińirgen qyzmetker» ataǵyna ıelendi. Úzdik balyqshyǵa bul marapatty Ekologııa, geologııa jáne tabıǵı resýrstar mınıstri Maǵzum Myrzaǵalıev tapsyrdy.