Ońtústik Qazaqstan oblysynyń ortalyǵy – Shymkent qalasynda kóshede satylyp turǵan petardany ermek qylǵan úlkendi-kishili 11 adam 5 kúnniń ishinde ártúrli jaraqatpen aýrýhanaǵa tústi. Bul týraly «KTK» telearnasy habarlady.
Telearna tilshisiniń aıtýynsha, qolynan jaraqat alǵan 7 synyp oqýshysy Ulan Altynbektiń kózine taǵy bir ota jasalady. Oqystan atylǵan petarda ony eki kózinen aıyra jazdaǵan. Dárigerler bul jasóspirim múgedek bolyp qalýy da múmkin dep otyr.
Qala kóshelerinde tars-tars etken petardanyń tolastaıtyn túri joq. Osyǵan baılanysty dárigerler zardap shegetinderdiń sany artýy yqtımal degen pikirdi alǵa tartady.
Baqytbek Keneshuly.
Derekkóz: «KTK» telearnasy
Foto: «KTK» telearnasy.