Indýstrııa jáne jańa tehnologııalar mınıstrligi Týrızm ındýstrııasy komıtetiniń tóraǵasy Marat Igalıev Reseıdiń Sochı qalasynda ótetin Qysqy Olımpııa oıyndarynda reseılik ókimet qabyldaǵan qaýipsizdik sharalaryn qazaqstandyq týrısterdiń qatań saqtaýyna jáne bizdiń azamattarymyzdy saqtandyrýǵa baılanysty jıyn ótkizdi. Bul týraly vedomstvonyń baspasóz qyzmeti habarlady.
Komıtet tóraǵasy bıylǵy Olımpıadaǵa jospar boıynsha elimizden 400-ge jýyq jankúıerlerdiń baratynyn aıtty. «Onda olar «Nordwegian Jade» atty besjuldyzdy krýızdik laınerde turatyn bolady. 2376 jolaýshyǵa arnalǵan, 1190 kaıýtasy bar keme 2006 jyly alǵash ret Germanııada sýǵa túsirilgen. Laınerde meıramhana, haýyz, tikeleı efır stýdııasy sııaqty kóńil kóterý oryndary qarastyrylǵan», dedi ol. Sonymen birge ol qazaqstandyq delegasııanyń turatyn jerin tańdaý barysynda qaýipsizdikke basa nazar aýdarylǵanyn, laıner qosymsha qorǵalatyn jáne negizgi oıyndar ótetin jerlerge jaqyn jerde bolatynyn atap ótti.
Tolyǵyraq aqparatty kompanııanyń www.complete.kz saıtynan alýǵa bolady.
Dastan Kenjalın.
Derekkóz: http://www.mint.gov.kz