Almatylyq 24 jastaǵy jas ana úshemderdi dúnıege ákeldi, dep habarlaıdy Egemen.kz.
Sábıler ýaqytynan erte týǵan. Ár balanyń salmaǵy bir kelige de jetpegen. Qazir olardyń jaǵdaıy jaqsaryp, anasymen birge úıine shyǵaryldy.
«Almaty qalalyq Perınataldyq ortalyǵynyń dárigerleri 24 jastaǵy aıaǵy aýyr kelinshekti qabyldap, túski ýaqytta úshemdi bosandyryp aldy. Sábıler merziminen buryn 910 gramm, 930 gramm jáne 980 gramm aralyǵynda shala týǵan, biraq dárigerler osy úsh qyzdyń ómirin saqtap qalý úshin qoldan kelgenniń bárin jasady. Dúnıege kelgen úshem reanımasııa bólimshesine jatqyzyldy. Reanımasııadan keıin qarqyndy terapııa bólimshesinde em aldy. Kútý kezeńi oń dınamıkasyn kórsetken soń jańa týǵan nárestelerdiń jaǵdaıy turaqtalyp, jalpy bólimshege aýystyryldy», dedi Almaty qalalyq Qoǵamdyq densaýlyq saqtaý basqarmasynyń baspasóz qyzmeti.
Qazirgi ýaqytta bosanǵan áıeldiń jáne 3 qyzdyń jaǵdaıy qanaǵattanarlyq. Jas ana men úshemder 47 kún Perınataldyq ortalyqta qaraýda boldy. Aldaǵy ýaqytta balalardy otbasynyń turǵylyqty jeri boıynsha emhananyń dárigerleri qadaǵalaıtyn bolady.
«Bosanǵannan keıin sábılerdi birden reanımasııaǵa alyp ketti, dárigerler óte jaqsy qarady. Reanımasııa bólimshesinen 10-15 kún aralyǵynda birinshi eki qyz shyqty, sodan keıin Sezim dúnıege keldi», dedi jas ana Aıym Saǵatbek.
Sábılerdiń densaýlyǵy qazir jaqsy. О́z betimen emetin jaǵdaıǵa jetken. Úsheýi de salmaq qosyp keledi.