Búgin Reseıdiń Sochı qalasynda aralas jekpe-jekten ASA 126 týrnıri ótedi. Cheshenstanda irgetasy qalanǵan beldi promoýshenniń muryndyq bolýymen uıymdastyrylyp otyrǵan jarysta birqatar tanymal sportshylar kúsh synasady, dep habarlaıdyy Egemen.kz.
Osy keshtiń basty básekesinde qazaqstandyq Evgenıı Egemberdıev pen reseılik Músilim Magomedov aıqasady. «Metıs» degen laqap atpen tanylǵan 36 jastaǵy Tarazdyń týmasy kezinde bokstan jastar arasyndaǵy álem birinshiliginiń kúmis júldegeri atanǵan. Aralas jekpe-jekten 15 kezdesý ótkizgen «Alash Praıd» klýbynyń múshesi 12 ret jeńiske jetti. 9 básekeni merziminen buryn aıaqtady.
26 jastaǵy Músilim Mahachkala qalasynda dúnıege keldi. Onyń osy sport túrin serik etkeli tórt jyldan asty. Sol aralyqta toǵyz ret oktagonǵa shyǵyp, barlyǵynda basymdyq tanytty. Tórt qarsylasyn ol aıqyn utty. Osydan úsh jyl buryn Magomedov bizdiń Asyljan Baqytjanulymen kezdesip, ekinshi raýndta «qylqyndyrý» ádisimen jeńgenin jankúıerler umyta qoıǵan joq. Osy joly Egemberdıev óziniń komandalyq áriptesi jibergen eseni qaıtarady degen senimdemiz. Bul básekede ASA promoýsheniniń aýyr salmaqtaǵy (93,4 kılo) chempıondyq belbeýi sarapqa salynady.
Qara teńiz jaǵlaýynda ótetin jarysta Marat Balaev (Reseı) pen Joao Lýıs Nogeıra (Brazılııa), Evgenıı Goncharov (Reseı) men Fransımar Barroso (Brazılııa), Daýd Shaıhaev (Reseı) pen Samvel Vardanıan (Armenııa) jáne taǵy basqa beldi sportshylar óz ónerlerin ortaǵa salady.