Sınoptıkter 16 maýsymǵa arnalǵan aýa raıy boljamyn jarııalady, dep habarlaıdy Egemen.kz.
«Sıklon jyrasy jáne onymen baılanysty atmosferalyq frontaldy bólikterdiń áserinen Qazaqstan aýmaǵynyń basym bóliginde turaqsyz aýa raıy saqtalady – jańbyr jaýady, naızaǵaı men burshaq jaýady, tek elimizdiń ońtústik jáne batysynda jaýyn-shashynsyz aýa raıy bolady. Keı jerlerde jel kúsheıedi, ońtústikte shańdy daýyl soǵady, soltústikte túnde – tuman», delingen habarlamada.
Aqmola, Pavlodar oblystarynyń keı jerlerinde túnde tuman, Aqmola oblysynda, kúndiz Pavlodar oblysynda jel 15-20 m/s kúsheıedi.
Almaty, Jambyl, Batys Qazaqstan, Soltústik Qazaqstan oblystarynda burshaq jaýady, jel 15-25 m/s kúsheıip, Jambyl oblysynda shańdy daýyl soǵady.
Túrkistan, Shyǵys Qazaqstan oblystarynda, kúndiz Qyzylorda, Qostanaı, Qaraǵandy oblystarynda 15-20 m/s deıin jel kúsheıedi, Túrkistan, Qyzylorda oblystarynda shańdy daýyl bolady.
Kúndiz Atyraý oblysynda qatty ystyq bolady.
Qyzylorda, Túrkistan, Mańǵystaý oblystarynyń basym bóliginde, Atyraý, Batys Qazaqstan, Jambyl, Almaty, Aqtóbe, Qostanaı, Qaraǵandy oblystarynyń keı jerlerinde óte joǵary órt qaýpi saqtalady.