Aýyl sharýashylyǵy mınıstriniń mindetin atqarýshy Erbol Qarashókeev «Qazaqstan temir joly» Ulttyq kompanııasynyń basshysy Nurlan Saýranbaevpen telefon arqyly sóılesip, Túrkistan oblysyndaǵy belsendiler jınaǵan shópti Mańǵystaýǵa tegin jetkizýge kómektesýin surady, dep habarlaıdy Egemen.kz.
Bul týraly Aýyl sharýashylyǵy mınıstrliginiń resmı saıtynda jarııalandy.
«Aýyl sharýashylyǵy mınıstriniń mindetin atqarýshy Erbol Qarashókeev «Qazaqstan Temir Joly» Ulttyq kompanııasynyń basshysy Nurlan Saýranbaevpen telefon arqyly sóılesti.
Áńgime barysynda Erbol Qarashókeev Túrkistan oblysynyń belsendi turǵyndary jınaǵan jem-shópti tegin ári jedel jetkizip berýge kómektesýin surady. Ulttyq tasymaldaýshy kompanııanyń basshysy bul máseleni óz baqylaýyna alyp, kómek beretinin aıtty», dep jazylǵan resmı aqparatta.