Ulttyq bank jalǵan aqsha men shyn aqshany ajyratýdyń joldaryn túsindirdi, dep habarlaıdy Egemen.kz.
Bank mamandarynyń aıtýynsha, qoldan aqsha jasaýshylar negizinen vızýaldy qorǵanysh elementterin ımıtasııalaıdy. Iаǵnı, qoldan jasaý múmkin emes qorǵanysh elementterine uqsas beıneler jasaıdy.
«Bir qaraǵanda, olar shyn aqsha sııaqty bolýy múmkin, biraq banknotty muqııat zerdelep kórgen kezde qoldan jasalǵanyn anyqtaı alasyz. Túpnusqa banknottar aıqyn beınelerimen erekshelenedi, ańyzdaǵy Samuryq qusy túrindegi sý belgisi, nomınaly, sondaı-aq jaryq túsirgen kezde anyq kórinetin qorǵanysh jibi bar», dep jazylǵan túsindirmede.
Shyn banknotty jalǵan aqshadan ajyratý úshin túpnusqadaǵy birneshe belgini bilý jetkilikti. Elimizdegi jalǵan banknottardyń negizgi bóligi túpnusqanyń keıbir belgilerin ǵana ımıtasııalaıtyn jeńildetilgen tehnologııamen shyǵarylady eken. Qoldan jasalǵan mundaı banknotty arnaıy jabdyqtyń kómeginsiz-aq «sezin – qara – aýdaryp kór» ádisin qoldaný arqyly anyqtaýǵa bolady.
Iаǵnı eń áýeli banknotty ustap seziný qajet.
«Banknot qaǵazy erekshe shytyrlaıdy. Barlyq banknotta beder beretin arnaıy mór basylǵan. Eger «QAZAQSTAN ULTTYQ BANKI» degen ataýdy nemese Qazaqstan kartasyndaǵy arhıtektýralyq beınelerdi saýsaqpen ustap kórse, bederdi sezýge bolady», dep jazady Ulttyq bank mamandary.
Sonymen qatar barlyq banknotta kózi nashar kóretin adamdarǵa arnalǵan belgiler bar, olar banknottyń tómengi bóliginde ornalasqan. Bular – ustap kórgende jaqsy ajyratýǵa bolatyn joǵary bederli elementter.
Ekinshiden, banknotty muqııat qaraý kerek.
«Bastapqyda aqsha belgisiniń taza, aıqyn, kontrasty nemese las bolýyn, daqtarynyń bolýyn jalpy kózben kórip zerdeleý qajet. Banknotty jaryqqa qaratyp, ańyzdaǵy samuryq qusy túrindegi sý belgisin jáne nomınaldyń sandyq beınesin kórýge bolady. Dál osy sııaqty, jazýlary bar núktelik syzyqtar túrinde qaǵaz betinde paıda bolatyn magnıtti (metaldandyrylǵan) úzik jipti tekserý qajet. Ol birtutas bolýy kerek», delingen túsindirmede.
Aqshanyń jalǵan emes ekenin anyqtaýdyń úshinshi joly - banknotty aýdaryp qaraý.
1000 teńgeden 20 000 teńgege deıingi banknottarda kólbeý buryshyna qaraı túsin jasyldan altyn túske deıin ózgertetin erekshe element bar. Banknotty ár túrli buryshtarǵa baıaý burǵan kezde element boıymen tústi jolaqtyń qozǵalysyn kórýge bolady.
Sondaı-aq 2000 jáne 5000 teńgelik banknottardyń syrt jaǵynda golografııalyq jolaq bar. Gologrammadaǵy sýretter jarqyraıdy jáne dınamıkalyq áseri bar.