COVID-19 indetiniń mýtasııalaý prosesi týraly QR Densaýlyq saqtaý mınıstrligi sanıtarııalyq-epıdemıologııalyq baqylaý komıtetiniń tóraǵasy Aıjan Esmaǵambetova aıtyp berdi, dep habarlaıdy Egemen.kz.
«Biz indetten 100 paıyz qorǵaý týraly aıtyp otyrǵan joqpyz. Vaksına alǵan azamat koronavırýsqa shaldyqqannyń ózinde, kúresý jeńilge soǵady jáne olar aýrýhanaǵa jatqyzylmaıdy. Pasıent aýrýhanaǵa jatqyzylǵannyń ózinde syrqatty jeńil kóteredi, reanımasııaǵa jatqyzylmaıdy jáne О́JA (ókpeni jasandy jeldetý apparaty) kómegi qajet etpeıdi. Indentke shaldyǵýdyń sımptomsyz belgisine kelsek, ótken jyly elimizde koronavırýs etek jaıa bastaǵanda sımptomsyz aýyrǵandar 80 paıyzdy, al sımptommen 20 paıyzdy qurady. Vırýs mýtasııalanyp jáne brıtandyq shtamm paıda bolǵannan keıin sımptomdyq belgilermen aýyrǵandardyń sany artty. Iаǵnı 60/40-ty qurady. Qazir delta-shtamynyń taraýyna baılanysty jaǵdaı múldem ózgerip otyr. Búginde atalǵan indetke sımptomsyz shaldyǵandar aıtarlyqtaı az», dedi Aıjan Esmaǵambetova OKQ-de ótken baspasóz máslıhatynda.
Onyń aıtýynsha, búginde koronavırýs juqtyrýshylardyń 80 paıyzy sımptomdy jáne 20 paıyzy sımptomsyz kórsetkishti quraıdy.
«Joǵaryda aıtylǵan statıstıka vırýstyń mýtasııalanyp, odan ári taralyp jatqanyn kórsetip otyr. Iаǵnı biz ujymdyq ımmýnıtettiń qalyptastyrmaıynsha koronavırýs tarala beredi. Odan saqtaný óz qolymyzda», deıdi ol.