Jekelegen memleketterdiń ortalyq bankteri ótken aptadan bastap altyndy kóptep satyp ala bastady. Buǵan sebep te bar. Aldyn ala boljanǵandaı, altynnyń baǵasy eń joǵary deńgeıge kóterilip, bir troı ýnsııasy úshin 1833 dollardan asyp tústi, dep jazady Egemen.kz «Kommersant» gazetine silteme jasap.
Reuters agenttiginiń habarlaýynsha, 15 shildede baǵaly metaldyń baǵasy bir troı ýnsııasy úshin 1833,6 dollarǵa jetti, bul maýsym aıynyń ortasynan beri eń joǵary kórsetkish. Táýliktiń basynda 16 shildede bir ýnsııa úshin baǵa 1831,8 dollardy qurap, aıdyń basynan beri 3,5% -ǵa ósti. Amerıka Bankiniń málimetteri boıynsha ótken aptada halyqaralyq ınvestorlar altynmen aıyrbastaý qorlaryna 200 mıllıon dollar ınvestısııalady.
Atalǵan basylymnyń habarlaýynsha, bankterdiń baǵaly metaldy kóptep satyp alýy baǵanyń ósýine áser etip jatyr. Al sarapshylar bul faktordy ındıkatıvti dep sanamaıdy. Sebebi aldaǵy eki-úsh kúnde altyn baǵasy tómendeýi ábden múmkin. Biraq sarapshylar naqtylap ótkendeı, altynnyń aldaǵy eki-úsh aıdaǵy baǵasyn FRJ saıasaty ǵana aıqyndaı alatyn kórinedi.
Sarapshylar altynnyń baǵasy eń aldymen AQSh-tyń on jyldyq oblıgasııalarynyń mólsherlemesine baılanysty ekenin atap ótti. Al ınflıasııa ósedi dep kútilse, olarǵa degen suranys tómendeıdi, aqsha qunsyzdanyp, altyn baǵasy ósedi. BCS World of Investments aktıvter menedjeri Andreı Rýseskııdiń aıtýynsha, qazirgi ýaqytta altyn baǵasynyń ósýi AQSh-taǵy ınflıasııa statıstıkasyna negizdelgen. Atap aıtqanda, maýsym aıyndaǵy málimetter tutyný baǵalarynyń 5,4% óskendigin kórsetedi. Sonymen qatar, AQSh memlekettik oblıgasııalarynyń kiristiligi (etalondyq onjyldyq) tipti 1,7% -dan 1,32% -ǵa deıin tómendeýdi kórsetti.