Atyraý oblysynda jyl basynan beri karantındik shekteýlerdi buzǵan 500-ge jýyq derek tirkeldi. Monıtorıngtik toptar 10 myńǵa jýyq reıdtik shara ótkizip, 42 542 nysandy teksergen. Karantındik shekteý sharalaryn buzǵandarǵa jalpy somasy 48 mln teńgeden asa aıyppul salynyp otyr.
Máselen, 1-12 shilde aralyǵynda 344 tekserý júrgizilip, 1 190 nysan baqylaýǵa alyndy. Onyń ishinde 20 nysan karantındik shekteý sharalaryn buzǵan. Olarǵa qatysty ákimshilik hattamalar toltyrylyp, salynǵan aıyppul kólemi 2 mln 500 myń teńgeni qurady.
– Atyraý qalasynda 13 monıtorıngtik top bar. Jumys kúnderi kúndiz tekserý júrgizýge bir top shyǵady. Al demalys kúnderi úsh top nysandarǵa tekseris júrgizedi. Mobıldik toptardyń nysan ishine kirýine kedergiler týyndaıdy. О́ıtkeni nysan ıeleri esikti ishinen qulyptap, jumysyn jalǵastyra beredi. Osyndaı sebepke baılanysty monıtorıngtik top nysannyń ishine kirip, tekseris júrgize almaıdy, – deıdi Atyraý qalalyq kásipkerlik jáne aýyl sharýashylyǵy bóliminiń basshysy Rýslan Daýletov.
Onyń aıtýynsha, meıramhana, dámhana ıelerimen, saltanatty is-shara ótkizýshilermen túsinispeýshilik pen kıkiljiń bolyp turady. Al karantındik shekteýlerdi jıi buzatyn nysandar qatarynda «Florııa», Vivaldi, SKY BAR, End Ne Stimz, «Ryba moeı mechty» jáne URBAN sekildi klýbtar men barlar bar.
Osyndaı sebepter turǵyndar arasynda qaýipti vırýsty juqtyrý deregin kóbeıteri daýsyz. Onyń ústine keıbir adamdar vaksınaǵa, tipti dárigerlerge qarsy teris kózqaras qalyptastyrýǵa tyrysatyndyǵy baıqalyp otyr. Máselen, sheteldik azamat «Dına» bazaryndaǵy bekette vaksına alý kezinde dárigerlerge dóreki minez kórsetken. Keıin oblystyq densaýlyq saqtaý basqarmasy baspasóz qyzmeti málim etkendeı, О́zbekstan Respýblıkasynyń 1998 jyly týǵan azamaty bıylǵy 16 maýsymda Spýtnık V vaksınasynyń birinshi komponentin ektirgen. Sodan keıin bul jigitte janama áserler men asqynýlar tirkelmegen.
Bul azamat 14 shildede jergilikti ýaqytpen saǵat 15.00-de vaksınanyń ekinshi komponentin saldyrǵan. Alaıda vaksınany alǵanǵa deıin kezekte turǵan sheteldik azamat medısına qyzmetkerlerine dórekilik tanytqan. Vaksınanyń janama áseri týraly arandatý maqsatynda beınejazba túsiremin dep qorqytqan. Demalys bólmesinde 30 mınýttaı ýaqyt bolyp, úıine jiberilgen. Biraq sol kúni saǵat 18.30-da «Dına» bazarynan jedel járdem qyzmetine qońyraý túsken. Onda dıspetcherge vaksınalaýdan keıin bir adamda qurysý belgisi baıqalǵany habarlanǵan.
– Jedel járdemdi úsh saǵat buryn vaksına alǵan jáne dárigerlerge dórekilik tanytqan О́zbekstan azamaty shaqyrǵany belgili boldy. Sheteldik jigit oblystyq aýrýhananyń qabyldaý bólimine jetkizildi. Ol 30 mınýttan keıin úıine jiberildi. Sebebi dárigerler pasıentti aýrýhanaǵa jatqyzýǵa naqty dáıek tappady. Osyǵan baılanysty turǵyndardan arandatýshylyqqa den qoımaı, tek resmı aqparatqa senýdi suraımyz, – dep málim etti basqarmanyń baspasóz qyzmeti.
Sonyń ertesine №3 qalalyq emhananyń ákimshiligi polısııaǵa shaǵym túsirdi. Maqsat – sheteldik azamattyń vaksınalaý beketindegi medısına qyzmetkerlerin qorlaǵanyn, sondaı-aq vaksınanyń jaǵymsyz áseri týraly jala japqanyn dáleldeý.
– Quqyq buzýshynyń áreketin zańsyz dep sanaımyn. Qazir tek bizdiń elimiz ǵana emes, álem jurtshylyǵy koronavırýs ınfeksııasyna qarsy kúres júrgizýde. О́ıtkeni qaýipti ınfeksııany toqtatýdyń jalǵyz joly – vaksına alý. Sondyqtan biz, dárigerler turǵyndar arasynda vaksınanyń janama áseri týraly jalǵan aqparattyń taralýymen kelispeımiz. Mundaı jalǵan aqparatty taratýshylar jazalanýy kerek. Barsha qazaqstandyq óziniń densaýlyǵyn, aǵaıyn-týysy men áriptesterin qaýipti vırýstan qorǵaýdyń mańyzyn túsinýi tıis, – deıdi №3 qalalyq emhananyń dırektory Aıman О́tegenova.
Atyraý oblysy