Epıdemııalyq ahýal alańdatyp tur

Oblys ákiminiń orynbasary me­dısınalyq mekemelerde, dári­ha­nalarda dári-dármekter men qor­ǵanysh quraldarynyń jetki­lik­ti ekenin atap ótti. О́ńirde eki aıǵa jeterlik dári-dármek qory ja­saqtalǵan. Dárilik zattardyń qo­ryn qalyptastyrý maqsatynda jer­gilikti bıýdjetten 488 mln teń­­ge qarjy bólingen. «Jaman aıt­paı, jaqsy joq», eger indet kú­sheıe tússe ınfek­sııalyq jáne pro­vızorlyq stasıo­narlarda tó­sektik oryn qoryn 3 200-ge deıin ulǵaıtýǵa múmkindik bar, 518 oryn ortalyqtandyrylǵan ottegimen jab­dyqtalǵan.

Oblystaǵy táýekel tobyna jatatyn adamdar turaqty baqylaýǵa alynyp, úıden em jasaýǵa 138 dá­ri­gerlik mobıldik top jumyl­dy­ryldy. Vırýs órshı qalsa, olardyń sanyń 161-ge jetkizýge bolady.

Jalpy, dert deregi shyqqaly beri oblysta koronavırýs ınfek­sııasyn juqtyrýdyń 7 977 jaǵdaıy tirkelgen. Epıdemııalyq ahýal kún­nen-kúnge kúrdelenip barady.

– О́tken aptanyń jumasynda 110 derek anyqtaldy. Bul – jyl basynan bergi eń joǵary antı­re­kordtyq kórsetkish. Sońǵy aptada 492 jaǵdaı tirkeldi, bul aldyńǵy 7 kúnmen salystyrǵanda 1,5 esege kóp. «Delta» shtamynyń kún sanap kóbeıýi epıdemııalyq ahýaldy kúrdelendirip otyr, – de­di oblystyq sanıtarlyq-epı­­de­mııalyq baqylaý depar­tamen­tiniń basshysy Dınara Jańa­bergenova.

Epıdemııalyq taldaý vı­rýs­ juq­tyrǵandardyń jasaryp bara jat­qanyn kórsetip otyr. Sońǵy aılarda 30-40 jas aralyǵynda naý­qastar kóp túsken. Mamandar jańa shtam­nyń balalar arasynda kóp tirkele bastaǵanyn aıta­dy. Sonymen qa­tar indetke shaldyq­qan­dardyń kóp­shiligi vı­rýsqa qar­sy ekpe alma­ǵandar ekeni de anyqtalǵan.

Oblystaǵy epıdemııalyq ahýaldy turaqtandyrý maqsatynda qabyldanǵan №18 qaýly aıasynda shekteý sharalary qabyldanǵan bolatyn. Soǵan sáıkes oıyn-saýyq, buqaralyq, otbasylyq is-sharalardan bastap oblysaralyq, qalaaralyq týrıstik tasymaldarǵa, saýda oryndarynyń, sulýlyq salondary men sport keshenderiniń jumystaryna shekteýler engizildi.

Oblystyq densaýlyq saqtaý bas­qarmasynyń basshysy S.Pazy­lov­tyń aıtýynsha, shildeniń basynda stasıonarlarda 585 tósek- tik oryn uıymdastyrylyp, bir apta ótken soń olardyń sany 760-qa jetkizilgen.

– Búginde ınfeksııalyq stasıo­narlarda 499 naýqas em alýda, júk­temesi 66 paıyz. Osyǵan sáıkes búginnen bastap 930 tósektik oryn­ǵa deıin kóbeıtemiz, – dedi bas­qar­ma basshysy.

Aımaqtaǵy 160 monıtorıng toby shilde aıynyń basynan be­ri karantın, shekteý sharalary tár­tibin buzǵan 45 derekti anyq­tady. Oblys ákiminiń orynbasa­ry ujymdyq ımmýnıtet qalyp­tastyrý úshin halyqtyń kem degende 70 paıyzy vaksınalaýdan ótýi qajet ekenin atap ótti.

Qyzylorda