19 shildede Densaýlyq saqtaý mınıstri Alekseı Soı eldegi koronavırýstyq ınfeksııa boıynsha epıdemıologııalyq jaǵdaı jónindegi keńeste sóz sóıledi, dep habarlaıdy Egemen.kz.
Prezıdenttiń tóraǵalyǵymen ótken keńeste densaýlyq saqtaý mınıstri koronavırýs ahýalyn turaqtandyrý boıynsha qabyldanyp jatqan sharalar týraly aıtty.
Mınıstrdiń málimetinshe, búgingi tańda árbir tórtinshi qazaqstandyq vaksınanyń birinshi komponentin aldy. Birinshi komponentpen barlyǵy 4,9 mln.adam egildi, tıisti halyqty qamtý 49%-dy qurady, ekinshi komponentpen 28% tıisti halyqty qamtýmen 2,8 mln. jýyq adam egildi.
Birinshi dozamen vaksınasııamen qamtýdyń eń az paıyzy Mańǵystaý oblysynda baıqaldy.
Pessımıstik ssenarııde 2021 jyldyń shilde-qyrkúıek aılarynda tirkelgen jaǵdaılardyń sany shamamen 670 myń adamdy quraıdy nemese ortasha eseppen táýligine tamyz aıynda 11 myń jaǵdaıdan joǵary.
Ekinshi realıstik ssenarıı boıynsha 2021 jylǵy shilde-qyrkúıekte tirkelgen jaǵdaılardyń boljamdy sany shamamen 555 myń adamdy quraıdy (ortasha eseppen tamyz aıynda táýligine 9,0 myń jaǵdaıdan joǵary).
Optımıstik ssenarıı boıynsha, 2021 jyldyń shilde-qyrkúıek aılarynda tirkelgen jaǵdaılardyń sany shamamen 425 myń adamdy quraıdy (ortasha eseppen tamyz aıynda táýligine 7 myńǵa jýyq jaǵdaıdan joǵary).
«Optımıstik ssenarııdi damytý karantındik sharalardyń kúsheıýimen jáne vaksınasııamen qamtýdyń ósýimen ǵana múmkin bolady», dedi Densaýlyq saqtaý mınıstri Alekseı Soı.
Prezıdenttiń jańa oqý jylynda mektepterdi offlaın oqytýǵa qaıtarý týraly tapsyrmasyn eskere otyryp, Mınıstrlik DDU usynǵan oqýshylardyń qaýipsizdigin qamtamasyz etý tásilderin taldap, beıimdedi. Ol úshin kelesi sharalar usynylady:
100% pedagogtardy vaksınasııalaý; 12 jastan asqan oqýshylardy vaksınasııalaý; Sanıtarlyq normalardy saqtaý jáne karantındi engizýge saralanǵan tásil (onlaın oqytýǵa aýystyrý); Psıhologtar men áleýmettik qyzmetkerlerdiń jumysyn kúsheıtý; Infeksııa belgileri bolǵan kezde PTR-testileý; Beıindi mamandardyń oqýshylardyń densaýlyq jaǵdaıyn monıtorıngileý.Densaýlyq saqtaý mınıstrligi Densaýlyq saqtaý júıesi aýyr jáne ólim jaǵdaılaryn baqylaý men baqylaýǵa, tósek qorynyń, dári-dármekterdiń daıyndyǵyna, dıagnostıkalyq test júıeleriniń, dári-dármekter men ımmýnobıologııalyq preparattardyń jedel óndirisine qaıta qurylýy kerek dep sanaıdy.