«Batys» óńirlik qolbasshylyǵynyń barlaýshylary qol granatasyn laqtyrý jattyǵýyn ótkizdi, dep habarlaıdy Egemen.kz.
О́ńirlik qolbasshylyqtyń baspasóz qyzmetinen málim etkendeı, barlaý bólimsheleriniń jeke quramy «Qarabatan» polıgonynda RGD-5 jaryqshaqty qol granatany laqtyrýǵa arnalǵan atys jattyǵýyna qatysty.
Atyraýdaǵy №41433 áskerı bóliminiń komandıri, podpolkovnık Esbolat Nurekeshevtiń aıtýynsha, jattyǵý aldynda áskerı qyzmetshiler granatalardyń jalpy qurylymy, qoldaný erejeleri, qaýipsizdik sharalarynyń talaptary men laqtyrý tehnıkasymen tanysty. Jattyǵýdyń shartyna sáıkes, 25 metr qashyqtyqtaǵy úsh fıgýraly nysanany joıý qajet. Al, «Granatany laqtyr» pármeninen keıingi áreket 30 sekýndtan aspaýy kerek.
«Jeke quram joǵary daıyndyq pen jaqsy nátıje kórsetti. Merzimdik áskerı qyzmettegi jaýyngerler úshin bul synaq qyzyqty boldy» deıdi Esbolat Nurekeshev.