Qazirgi kezde Jambyl oblysynda koronavırýs indetin juqtyrýdyń 10 587 jaǵdaıy tirkelip otyr. Alaıda qabyldanǵan sharalardyń nátıjesinde 9 631 azamat saýyǵyp shyqsa, ókinishke qaraı, 85 ólim oqıǵasy oryn alǵan.
Oblystyq densaýlyq saqtaý basqarmasynyń málimetinshe, aǵymdaǵy jaǵdaı boıynsha aımaqtaǵy aýrýhanalarda 2 075 ınfeksııalyq tósektik oryn qory, onyń ishinde 202 reanımasııalyq tósektik oryn qory, oǵan qosa 170 tósektik orynǵa arnalǵan karantındik stasıonarlar jumys atqarýda. О́ńirdegi epıdemııalyq jaǵdaıǵa baılanysty koronavırýspen aýyratyn naýqastardy emdeý úshin qosymsha rezerv retinde 2 685 ınfeksııalyq, onyń ishinde 299 reanımasııalyq tósektik oryn qory ashylyp, jumyldyrylady.
«Jalpy, oblys boıynsha 23 alǵashqy medısınalyq-sanıtarlyq kómek uıymdarynda 43 egý pýnktteri bar. Olardyń ishinde 15 pýnkt Taraz qalasynda jáne 28 pýnkt aýdandarda ornalasqan. Oblys boıynsha 18 jastan joǵary 582 myń adam koronavırýs ınfeksııasyna qarsy vaksınalaýǵa jatady dep josparlanǵan bolsa, qazirgi tańda 255 myń 151 tulǵa ekpe alǵan», deıdi oblystyq densaýlyq saqtaý basqarmasynyń basshysy Áset Qalıev.
Sondaı-aq osy jyldyń 1 aqpanynan bastap oblysqa 5 myń adamǵa arnalǵan 10 myń doza QazCovid-in otandyq vaksınasy, 231 myń 700 doza Spýtnık V vaksınasynyń 1-komponenti jáne 173 myń 425 doza 2-komponenti, 30 myń adamǵa arnalǵan 60 myń doza Hayat Vax vaksınasy men 17 myń adamǵa 34 myń doza CoronaVac vaksınasy jetkizilgen. Jalpy alǵanda, óńirde 4 995 tulǵa otandyq, 203 myń 645 tulǵa Spýtnık V, 29 myń 911 tulǵa Hayat Vax vaksınasymen jáne 16 myń 598 tulǵa CoronaVac vaksınasyn saldyrǵan. Onyń ishinde medısına, bilim berý, arnaıy kúsh qyzmetkerleri men memlekettik qyzmetkerler jáne basqa da tulǵalar bar. Turǵyndarǵa vaksına egýden keıingi asqynýlar tirkelmegen. Qazirgi kezde karantındik stasıonarlarǵa 22 tulǵa ornalastyrylǵan. Degenmen qazirgi ýaqytta Jambyl óńirinde qaýipti indet juqtyrý dereginiń artqany baıqalady. Alaıda bul máseleler boıynsha da tıisti jumystar júrgizilýde. «Oblysta 159 mobıldik top jumyldyryldy. Táýlik boıy shaqyrtý boldy. Máselen, ótken táýlikpen salystyrǵanda jedel járdem shaqyrtý sany artty. Búginde óńirde dári-dármek qory jetkilikti. Mamandar boıynsha da ázirshe másele joq», deıdi Á.Qalıev.
Jambyl oblysy