Atyraý polıseıleri eki kúnde buryn jasalǵan 6 qylmysty ashty, dep habarlaıdy Egemen.kz.
Oblystyq polısııa departamenti baspasóz qyzmetiniń aqparatyna súıensek, 19-23 shilde aralyǵynda «Quqyqtyq tártip» jedel profılaktıkalyq is-sharasy ótip jatyr.
«Bul is-sharanyń maqsaty – azamattardyń quqyqtyq sanasy men mádenıetin arttyrý, halyqtyń arasynda tártipsizdik pen usaq quqyq buzýshylyqtyń jolyn kesý. Polısııa qyzmetkerleri eki kúnde oblys aýmaǵynda 944 ákimshilik quqyq buzýshylyqty anyqtady. Buryn jasalǵan 6 qylmystyq is ashyldy. Onyń ishinde qoǵamdyq oryndarda spırttik ishimdik iship, mas kúıde júrgenderge qatysty 89, usaq buzaqylyqqa baılanysty 87 derek bar», deıdi oblystyq polısııa departamentiniń bastyǵy, polısııa polkovnıgi Qamza Úmbetqalıev.
Sondaı-aq túngi mezgilde kóshede júrgen kámeletke tolmaǵan 99 jasóspirimniń zańdy ókili, tún tynyshtyǵyn buzǵan 29 adam, jolda júrý jyldamdyǵyn arttyrǵan 311, kólik quralyn mas kúıinde basqarǵan 9 júrgizýshi ákimshilik jaýapkershilikke tartyldy. Al, kóshi-qon qyzmetiniń qyzmetkerleri Qazaqstan Respýblıkasynyń aýmaǵynda bolý erejelerin buzǵan 20 adam anyqtady.