Rıdderdegi órt ornynan kabel urlaýǵa tyrysqan kúdiktiler ustaldy, dep habarlaıdy Egemen.kz Polisia.kz saıtyna silteme jasap.
27 maýsymda patrýldik polısııa vzvodynyń qyzmetkerleri Rıdder qalasynyń L. Tolstoı kóshesi boıynsha túngi patrýldeý baǵytynda VAZ avtokóligin baıqaǵan. Kólik júrgizýshisi polısııa qyzmetkerlerinen jasyrynýǵa tyrysqan.
Quqyq qorǵaý organdarynyń qyzmetkerleri dereý kólikti toqtatqan. Kólik ishinde Rıdder qalasynyń 25 jáne 27 jastaǵy turǵyndary bolǵan.
Avtokólikti tekserý barysynda kóliktiń júksalǵyshynda qaladaǵy JShS-niń birine tıesili uzyndyǵy shamamen 35 metrdi quraıtyn VVG-4*16 qýatty kabeli tabyldy.
Tergeý barysynda anyqtalǵandaı, qylmyskerler Rıdderdegi orman órti bolǵan aýdanda elektr jelileri jóndelip jatqany men kerneýsiz turǵan elektr berý kabelderi tartylyp jatqanyn bilip, bótenniń múlkin ıemdenbek bolǵan. Jalpy shyǵyn somasy 107 000 teńgeni qurady. Kúdiktiler bul áreketin tolyqtaı moıyndady.
Atalǵan fakti boıynsha QR QK 188-baby 2-bóligi «Urlyq» boıynsha sotqa deıingi tergeý júrgizilýde.