О́ńir ónerkásibinde ósim bar

Úkimet basshysy «Aqtóbe» ındýstrııalyq aımaǵynda ornalasqan «Zerde-Keramıka Aqtóbe» JShS zaýytyn aralady. Kásiporynnyń qýaty – jylyna 5 mln m² keramogranıt pen keramıkalyq plıtka. Jobaǵa salynǵan ınvestısııa kólemi 9,2 mlrd teńgeni quraıdy, ony osy jyldyń úshinshi toqsanynda paıdalanýǵa berý josparlanǵan. Kásiporynda 200-den astam jumys orny qurylǵan.

Budan keıin A.Mamın óndi­ristik qýaty jylyna 122 rentgen apparaty men keshenin qu­raı­tyn «Aqtóberentgen» AQ zaýy­tynyń jumysymen tanys­ty. О́nimniń bir bóligi Reseıge, О́z­bek­stan­ǵa, Tájikstanǵa jáne Qyr­ǵyz­stan­ǵa eksporttalady. Bıyl mem­le­ket­tik qol­daý sharalary­men Aq­tóbe ob­ly­synyń 3,3 myń­nan astam ShOB sýbektisi qam­tylady.

Úkimet basshysy «PO Global-Spesodejda» JShS ti­gin fabrıkasynyń jumysymen de tanysty, onda 200-ge jýyq adam jumys isteıdi. Kásip­oryn jyl saıyn 1,2 mln-ǵa de­ıin ónim shyǵarady. Mun­da ar­naıy kıimderdiń, qor­ǵa­­nysh qu­ral­dardyń, arnaıy kıimderdi shyǵarýǵa arnalǵan jylyt­qysh­tardyń keń nomenkla­týrasy­nyń óndirisi jolǵa qoıylǵan.

Premer-Mınıstr óńirdiń energetıkalyq áleýetiniń damýyn tekserý barysynda «Aqtóbe JEO» AQ-ǵa bardy. Onda qazir­gi ýaqytta kádege jaratýshy qa­zandyǵy bar, qýaty 57 MVt gaz týr­bınalyq qondyrǵysynyń qu­rylysy júrip jatyr. Jobany iske asyrý stansasynyń qýatyn 175 MVt-qa deıin arttyrýǵa múm­kindik beredi. Jumystardy 2021 jyldyń jeltoqsan aıynda aıaqtaý josparlanǵan.

Qarǵaly aýdanynyń Badamsha kentine de barǵan A.Mamın Arm Wind JShS jel elektr stan­sasynyń jumysymen tanys­ty. Qazirgi ýaqytta jel elektr stansasynyń ekinshi kezeginiń qurylysy júrgizilýde. Stansa jyl saıyn saǵatyna 400 MVt jýyq elektr energııa­syn óndi­retin bolady. Ekinshi kezeginiń ınves­tısııa kólemi $85 mln qu­raı­dy, aıaqtaý merzimi – bıyl­ǵy jyldyń qyrkúıek aıy.

Úkimet basshysy «Aq­tó­be – Atyraý – Astrahan»  respýblıka­lyq avtojolyn rekonstrýksııa­laý barysyn tekserdi. Bıyl «Aqtóbe – Qandyaǵash» ýchaske­sin­de jol qozǵalysy ashylady, «Qan­dyaǵash – Maqat» avto­joly­­nyń ýchaskesi osy jyl­dyń sońyna deıin paı­dalanýǵa beriledi. Premer-Mınıstr tas joldy qaıta ja­ńar­tý jumystaryn sapaly ári bel­gilengen merzimde aıaqtaýdy tapsyrdy.

Sonymen qatar Premer-Mınıstr Aqtóbe qalasyndaǵy «Batys-2» shaǵyn aýdanynyń qurylysymen tanysty, ony 2025 jyly aıaqtaý josparlanyp otyr. Shaǵyn aýdannyń jalpy aýmaǵy 535 ga quraıdy. Bıyl óńirde 1 mln m² astam turǵyn úıdi paı­dalanýǵa berý josparlanǵan.

Al Mártók aýdanynda A.Mamın Milker JShS jem-shóp túıirshikterin óndirý zaýytyn aralady. Investısııalyq jo­banyń quny 700 mln teńgeni qu­raıdy, kásiporynnyń óndiris­tik qýaty – jylyna jońyshqa pishe­ninen 12 myń tonna túıir­shik­telgen qurama jem. Daıyn ónim Qazaqstanda da, odan tys jerlerde de, atap aıtqanda, Qytaıda, Reseıde, Iranda jáne Birikken Arab Ámirlikterinde zor suranysqa ıe.

Sondaı-aq Premer-Mı­nıstr­ge Aqtóbe oblysynyń balyq salasyn damytýdyń 2030 jylǵa deıingi óńirlik baǵdarlamasy tanystyryldy. 10 jyl ishinde salaǵa 37 mlrd teńge jeke ınvestısııa tartý, 400-den astam jańa jumys ornyn qura otyryp, sharýashylyqtar sanyn 72 sýbektige deıin arttyrý josparlanǵan.

Green Capital Kazakhstan JShS jylyjaı keshenin aralaý barysynda Premer-Mınıstr­ge jylyjaı ónimderin óndirý bo­ıynsha qazirgi jaǵdaı jáne osy salany odan ári damytý perspektıvasy tanystyryldy. Sońǵy úsh jylda Aqtóbe oblysynda 8 jańa jylyjaı iske qosyldy. 2025 jylǵa deıin jalpy somasy 17 mlrd teńge bolatyn ta­ǵy eki iri jobany iske asyrý kóz­delgen. Bul jylyjaı ónim­derin óndirý kóleminiń 40%-ǵa ósýin qamtamasyz etedi dep kútilýde.

Bıylǵy jyldyń 6 aıy­nyń qorytyndysy boıynsha Aqtóbe oblysynda ónerkásip ón­dirisi­niń kólemi 2020 jyl­dyń sáı­­kes kezeńimen salys­tyr­­­ǵanda 8,2%-ǵa – 997,2 mlrd teńgege d­e­ıin ósti. Aýyl sha­rýa­shylyǵy­­nyń jalpy óni­miniń kólemi 116,9 mlrd teń­geni (+2,6%), qury­lys jumys­tary­nyń kólemi – 76,9 mlrd teńgeni (+5,4%) qurady, 366,5 myń sharshy metr turǵyn úı (+4,1%) paıdalanýǵa berildi. Negizgi kapıtalǵa salynǵan ınvestısııalar ósimi 11,9% qurady, 292,8 mlrd teńge tartyldy. 2021 jyldyń sońyna deıin 125,7 mlrd teńge somasyna 31 ınvestısııalyq jobany iske asyrý josparlanýda.