«Qazgıdromet» boljamyna sensek, 23 shildede respýblıkanyń basym bóliginde atmosferalyq fronttardyń áserinen turaqsyz aýa raıy saqtalady. El aýmaǵynda jańbyr, batysta nóser jaýyn jaýady, dep habarlaıdy Egemen.kz.
Tek elimizdiń soltústigi men ońtústiginde jaýyn-shashyn jaýmaıdy, kún ashyq bolady.
Batysta jáne ońtústikte shańdy daýyl kúsheıedi, respýblıkanyń batysy men shyǵysynda burshaq jaýady.
Batys Qazaqstan oblysynyń keı jerlerinde burshaq jaýyp, daýyl turady. Jel ekpini - 15-20 m/s.
Shyǵys Qazaqstan, Qaraǵandy, Almaty, kúndiz Soltústik Qazaqstan, Qostanaı oblystarynda jel qarqyny 15-20 m/s deıin kúsheıedi.
Kúndiz Shyǵys Qazaqstan oblysynda burshaq jaýady.
Mańǵystaý oblysynda tuman túsedi, kúndiz jel jyldamdyǵy sekýndyna 15-20 metrge jetedi.
Kúndiz Almaty, Jambyl, Aqtóbe, Atyraý, Qostanaı, Mańǵystaý oblystarynyń basym bóliginde, Qaraǵandy oblysynyń ońtústiginde qatty ystyq saqtalady.
Aqmola, Soltústik Qazaqstan, Qyzylorda oblystarynyń basym bóliginde, Túrkistan oblysynyń keı jerlerinde aptap ystyq bolady.
Qyzylorda, Túrkistan, Mańǵystaý, Jambyl oblystarynyń basym bóliginde, Almaty, Atyraý, Batys Qazaqstan, Aqtóbe, Qostanaı, Qaraǵandy, Aqmola oblystarynyń keı jerlerinde, Shyǵys Qazaqstan oblysynyń ońtústiginde tótenshe órt qaýpi saqtalady.