XXXII Jazǵy Olımpıada oıyndarynyń translıasııasyna qatysty japonııalyq «Dentsu Inc.» kompanııasymen kelissózder nátıjeli aıaqtaldy. Bul týraly «Qazaqstan» RTRK» AQ baspasóz qyzmeti habarlady.
«Qazaqstan» teleradıokorporasııasy men «Habar» agenttigi» AQ el aýmaǵynda Tokıo Olımpıadasyn jáne 2022 jylǵy Pekınde ótetin Qysqy Olımpıada oıyndaryn kórsetý quqyǵyn ıelendi. Kelisimshart qorytyndysy boıynsha translıasııa qunyn qolaıly baǵada satyp alý týraly ortaq mámilege qol jetkizildi.⠀Qazaqstandyqtar 23 shilde men 8 tamyz aralyǵynda Tokıoda ótetin Jazǵy Olımpıada oıyndaryn «Qazaqstan», «Qazsport» jáne «Habar» telearnalarynan tikeleı efırde kóre alady.⠀Qazaqstan quramasynyń qorjynynda sporttyń 27 túri boıynsha 97 lısenzııa bar.⠀Telearnalardaǵy Olımpıadalyq jarystar kestesi qosymsha jarııalanady.