Bul týraly polısııaǵa 18 jastaǵy jigit bopsalaý deregine qatysty shaǵym túsirgen, dep jazady Egemen.kz.
«Atyraý qalasynda 21 jastaǵy boıjetken birneshe ret ózinen eki jas kishi azamattan aqsha bopsalaǵan. Boıjetken jigitten 2 mln teńge alǵan. Keıin odan 1 mln 540 myń teńgeni talap etken. Jas jigit polısııaǵa habarlasyp, kómek surady. Onyń aıtýynsha, azamatsha ony «zorlaý» deregimen ústińnen qylmystyq is qozǵatamyn dep qorqytyp kelgen. Alaıda jas jigit jynystyq qatynas eki jaqty kelisimmen boldy dep aqtalǵan. Ekeýi áriptes bolǵan. Ol ózin bopsalaý jolymen aqsha talap etip júrgen boıjetkendi Shymkent qalasynda turatyn ata-anasymen tanystyrǵan», dep habarlady departamenttiń baspasóz qyzmeti.
Ekstremızmge qarsy is-qımyl basqarmasynyń qyzmetkerleri kúdikti boıjetkendi shymkenttik azamattan 500 myń teńge kóleminde aqsha alyp jatqan kezde ustady. Tekserý kezinde azamatshanyń destrýktıvti dinı aǵym ókili ekeni anyqtaldy.
Qazir 2000 jyly týǵan boıjetkenge qatysty QR Qylmystyq Kodeksiniń 194-babynyń 1-bóligimen sotqa deıingi tergeý bastaldy.