Eýropalyq dárilik zattar agenttigi Moderna kompanııasynan 12-17 jas aralyǵyndaǵy balalardy koronavırýsqa qarsy vaksınasııalaýǵa arnalǵan «Spikevax» preparatyn maquldady, dep habarlaıdy Egemen.kz Eýropalyq dári-dármek agenttigine silteme jasap.
12 men 17 jas aralyǵyndaǵy balalarda «Spikevax» vaksınasyn qoldaný 18 jastan asqan adamdarmen birdeı bolady. Preparat tórt apta aralyqpen ıyqqa eki ıneksııa arqyly engiziledi.
«Spikevax» tıimdiligin zertteýge 12 jastan 17 jasqa deıingi 3732 bala qatysty. Eýropalyq dári-dármek agenttigi usynǵan aqparatta preparat 12-17 jas aralyǵyndaǵy balalarda 18-25 jas aralyǵyndaǵy jastarda (SARS-CoV-2-ge qarsy antıdeneler deńgeıi boıynsha) baıqalǵan reaksııamen salystyrmaly antıdene reaksııasyn týdyrdy dep kórsetilgen.
Vaksına alǵan 2163 balada COVID-19 damymaǵan. Bul nátıjelerge sáıkes 12-17 jas aralyǵyndaǵy balalardaǵy «Spikevax» tıimdiligi eresekterge arnalǵan vaksınaǵa uqsas degen qorytyndy jasaýǵa bolady.
Buǵan deıin eýropalyq retteýshi amerıkalyq Pfizer kompanııasynyń 12-17 jastaǵy balalarǵa arnalǵan vaksınasyn maquldaǵan bolatyn.