Ońtústik Afrıkanyń ortalyq bóliginde tómen temperatýranyń rekordtyq kórsetkishi tirkeldi. Bul týraly Ońtústik Afrıka Respýblıkasynyń meteorologııalyq qyzmeti Twitter-ge jarııalady, dep habarlaıdy Egemen.kz «Izvestııaǵa» silteme jasap.
24 shildege qaraǵan túni eldiń 19 aýdanynda eń tómengi temperatýranyń tarıhı kórsetkishi tirkeldi. Kımberlı qalasy men oǵan jaqyn aýdandarda termometrler mınýs 9,9 gradýsqa deıin tómendedi. Sınoptıkterdiń málimetinshe, meteorologııalyq baqylaýlardyń búkil kezeńinde mundaı tómen temperatýra áli bolǵan joq.
Iohannesbýrgte aýa temperatýrasy mınýs 7 gradýsqa deıin tómendedi. Aıazdyń aldyńǵy rekordy 1995 jyldyń 19 shildesinde, mınýs 6,3 gradýsqa deıin salqyndaǵan kezde tirkeldi.
Sınoptıkterdiń aıtýynsha, kóptegen jyldar boıy Ońtústik Afrıkanyń ártúrli bólikterinde alǵash ret qar jaýyp, kólik joldary muzdanýǵa baılanysty jabyldy.
Qazirgi aıaz Afrıkanyń ońtústigine Antarktıkadan keldi degen boljam bar. Eldegi aıaz taǵy bir aptaǵa sozylady dep kútilýde.