Búgin Jambyl oblysynda aýyldyq okrýg ákimderin saılaý boıynsha saıası naýqan 10 saılaý ýchaskesinde ótýde, dep habarlaıdy Egemen.kz.
Jambyl oblysynyń Jambyl aýdanynda barlyǵy 34 saılaý ýchaskesi bar. Jalpy saılaýshylar sany 52224 adam bolsa, onyń ishinde bıylǵy jyldyń shilde aıynda ákimder saılaýy ótetin ákimshilik-aýmaqtyq birlikterde saılaýshylar sany 17823-ti quraǵan. Búgin saılaý Jambyl aýdanynyń Asa, Aqbastaý, Ernazar, Jambyl jáne Qaratóbe aýyldyq okrýgterinde ótýde. Aýdan kóleminde jalpy kandıdattarǵa arnalǵan 24 úgit-baspa taqtaıshalary, 21 bılbord oryndary jáne 24 saılaýshylarmen kezdesýi úshin sharttyq negizde beriletin úı-jaılar ornalasqan.
Aǵymdaǵy jylǵy 26 maýsym men 9 shilde aralyǵynda aýmaqtyq saılaý komıssııasyna barlyǵy 21 kandıdat qujattaryn ótkizgen. Onyń ishinde Nur Otan partııasynan 4, «Adal» partııasynan 1, «Aýyl» partııasynan 1, «Aq jol» partııasynan 2, «Qazaqstan halyq» partııasynan 3 azamat usynylǵan jáne 10 kandıdat ózin-ózi usynǵan. Nátıjesinde 15 kandıdat tirkelgen. Olarǵa senimdi ókil men baıqaýshy bolýǵa 44 azamat ótinish bildirgen. Ol azamattar aýmaqtyq saılaý komıssııasynan tıisti kýálikterin alǵan. Senimdi ókil retinde tirkelgen 44 azamattyń barlyǵy da vaksına saldyrǵan. Ákimderdiń saılaýyna oraı, jalpy barlyǵy 311 úgit-nasıhat jumystary júrgizilgen.