2013 jylǵy 25 qarasha, Astana qalasyQazaqstan Respýblıkasy Mádenıet jáne aqparat mınıstrligi memlekettik qyzmetshileriniń qyzmet etıkasynyń qaǵıdalaryn bekitý týraly
«Qazaqstan Respýblıkasy memlekettik qyzmetshileriniń ar-namys kodeksi týraly» Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 Jarlyǵyna ózgerister engizý týraly» Qazaqstan Respýblıkasy Prezıdentiniń 2013 jylǵy 1 qazandaǵy № 651 Jarlyǵynyń 2-tarmaǵyna sáıkes buıyramyn:1. Qosa berilip otyrǵan Qazaqstan Respýblıkasy Mádenıet jáne aqparat mınıstrligi memlekettik qyzmetshileriniń qyzmet etıkasynyń qaǵıdalary bekitilsin.2. Qazaqstan Respýblıkasy Mádenıet jáne aqparat mınıstrliginiń Kadr qyzmeti basqarmasy:1) osy buıryqty zańnamamen belgilengen tártippen Qazaqstan Respýblıkasy Ádilet mınıstrliginde memlekettik tirkeýdi;2) osy buıryq Qazaqstan Respýblıkasy Ádilet mınıstrliginde memlekettik tirkegennen keıin buqaralyq aqparat quraldarynda, sonyń ishinde Qazaqstan Respýblıkasy Mádenıet jáne aqparat mınıstrliginiń ınternet-resýrsynda resmı jarııalaýdy jáne memlekettik organdar ıntranet-portalynda (MOIP) ornalastyrýdy;3) Qazaqstan Respýblıkasy Mádenıet jáne aqparat mınıstrliginiń Zań qyzmeti departamentine osy buıryqty Qazaqstan Respýblıkasy Ádilet mınıstrliginde memlekettik tirkelgennen keıin 5 jumys kúni ishinde memlekettik tirkeý týraly jáne buqaralyq aqparat quraldarynda jarııalaýǵa jiberý týraly málimetterdi usynýdy qamtamasyz etsin.3. Osy buıryqtyń oryndalýyn baqylaý Qazaqstan Respýblıkasy Mádenıet jáne aqparat mınıstrliginiń jaýapty hatshysy J.D.Qurmanǵalıevaǵa júktelsin.4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Mınıstr M. QUL-MUHAMMED.
Qazaqstan Respýblıkasy Mádenıet jáne aqparat mınıstriniń 2013 jylǵy ot 25 qarashadaǵy №273 buıryǵymen bekitilgen
Qazaqstan Respýblıkasy Mádenıet jáne aqparat mınıstrliginiń memlekettik qyzmetshileriniń qyzmet etıkasynyń qaǵıdalary1.ıo Osy Qazaqstan Respýblıkasy Mádenıet jáne aqparat mınıstrligi memlekettik qyzmetshileriniń qyzmet etıkasynyń qaǵıdalary Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 Jarlyǵymen bekitilgen Qazaqstan Respýblıkasy memlekettik qyzmetshileriniń Ar-namys kodeksine (Memlekettik qyzmetshilerdiń qyzmet etıkasy qaǵıdalary) (budan ári – Kodeks), «Sybaılas jemqorlyqqa qarsy kúres týraly», «Memlekettik qyzmet týraly» Qazaqstan Respýblıkasynyń Zańdaryna (budan ári – memlekettik qyzmet jáne sybaılas jemqorlyqpen kúres týraly zańnama) sáıkes ázirlendi.2. Qaǵıdalar Qazaqstan Respýblıkasy Mádenıet jáne aqparat mınıstrligi (budan ári – Mınıstrlik) memlekettik qyzmetshileriniń atqaratyn laýazymdaryna qaramastan, mindetterin oryndaý barysynda, áriptesterimen jáne azamattarmen qarym-qatynas kezinde olardyń qyzmettik minez-qulqynyń negizgi normalaryn aıqyndaıdy.3. Mınıstrliktiń memlekettik qyzmetshileri:1) óziniń mindetterin tıisinshe oryndaýǵa, naqty qalyptastqan jaǵdaıdy eskere otyryp jumysty uıymdastyrýǵa jáne josparlaýǵa;2) qaramaǵyndaǵy memlekettik qyzmetshilerden olardyń qyzmettik mindetterinen tys tapsyrmalar oryndaýdy talap etpeýge, basqa adamdardy quqyqqa qaıshy teris qylyqtar jasaýǵa májbúrlemeýge;3) ózi basqaratyn qurylymdyq bólimsheniń memlekettik qyzmetshileriniń laýazymdyq mindetteriniń, tapsyrmalardyń sapaly oryndalýyna jaýapty bolýǵa;4) adamgershilik minez-qulyqtyń úlgisi bolýǵa;5) qyzmettik mindetterin tıimdi oryndaý úshin óziniń kásibı deńgeıin jáne biliktiligin arttyrýǵa;6) týrashyl bolýǵa, óziniń kásibı qyzmetine eshkimniń, sonyń ishinde óziniń týystarynyń, dostarynyń nemese tanystarynyń yqpal etýine jol bermeýge, óziniń týrashyldyǵyn buzýǵa, laýazymdyq mindetterin oryndaýyna áser etýi múmkin jeke, qarjylyq jáne iskerı qatynastardan tartynýǵa;7) ózine júktelgen mindetterdiń obektıvti oryndalýyna kúmán keltirýi múmkin kez kelgen áreketter men sheshimderden tartynýǵa;8) óziniń laýazymdyq mindetterin oryndaý úderisinde basqa tulǵalarǵa sabyrlylyq, sypaıylyq, ádeptilik jáne syılastyq kórsetýge, osyny qaramaǵyndaǵy qyzmetkerlerden talap etýge;9) qaramaǵyndaǵy qyzmetkerlerdiń sybaılas jemqorlyqpen kúres týraly zańnamany saqtaýyna derbes baqylaýdy qamtamasyz etýge, sybaılas jemqorlyq kórinisteriniń aldyn alý jónindegi ýaqtyly jáne jan-jaqty sharalardy qabyldaýǵa;10) osy Qaǵıdalardyń talaptarynyń buzylý faktilerine prınsıpti turǵyda den qoıýǵa, kinálilerdiń jaýapkershiligimen qatar, óziniń jeke jaýapkershiligi týraly máseleni kóterýge daıyn bolýǵa;11) qyzmetten tys ýaqytta jalpy jurt qabyldaǵan etıka normalaryn ustanýǵa, qoǵamǵa jat minez-qulyq oqıǵalaryna jol bermeýge;12) Mınıstrliktiń aldyna qoıylǵan mindetterdi durys túsinýmen, osy mindetterdi birlesip sheshýge nıettilikpen jáne qabilettilikpen, ujymda jumys isteý jaılylyǵynyń deńgeıimen, meıirban jáne ashyq qarym-qatynastarmen, ujymnyń salmaqty jón-joralǵylarymen sıpattalatyn ujymdaǵy qolaıly moraldyq-psıhologııalyq klımatty qamtamasyz etýge;13) qaramaǵyndaǵylardyń qarym-qatynasyn dáıeksiz málimetterdiń taralýyna, ádiletsizdiktiń oryn alýyna jol bermeı, etıkalyq normalar negizinde retteýge;14) kásibı qyzmet ádisterin ázirleýge, normatıvtik quqyqtyq bazany damytýǵa, qaramaǵyndaǵylardy normatıvtik quqyqtyq aktilermen ýaqtyly jabdyqtaýǵa, olardyń kásiptik deńgeıin arttyrýǵa qamqorlyq kórsetýge;15) áriptesterine qatysty negizsiz aıyptaýlarǵa, dórekilik, adamdyq qadir-qasıetin kemsitý, jónsizdik, orynsyz minez-qulyq faktilerine jol bermeýge;16) óziniń jumysyn bilikti oryndaýǵa, onyń tujyrymdary, qorytyndylary, usynymdary jáne basqa da qujattary derbes birjaqtylyqqa, soqyr nanymǵa nemese basqa taraptan kórsetilgen qysymǵa emes, tekserilgen ári obektıvti qajetti kólemdegi aqparatqa negizdelýi;17) mádenıet, tarıhı-mádenı mura obektilerin qorǵaý jáne paıdalaný, til saıasaty, aqparat, teleradıo habarlaryn taratý, muraǵat isi jáne qujattama salalarynda memlekettik saıasatty qalyptastyrý, memlekettik organdarmen ózara is-qımyl tártibin retteıtin aktilerdi múltiksiz saqtaýǵa;18) óziniń biliktiligin joǵary deńgeıde ustaýǵa, óziniń kásibı bilimin udaıy jańartýǵa, mádenıet, tarıhı-mádenı mura obektilerin qorǵaý jáne paıdalaný, til saıasaty, aqparat, teleradıo habarlaryn taratý, muraǵat isi jáne qujattama, memlekettik organdarmen ózara is-qımyl salalaryndaǵy tájirıbelik mashyqtaryn jetildirýge; 19) óziniń jumysynda adaldyq pen parasattylyq kórsetýge, meıirban jáne ashyq bolýǵa, kásibı qyzmetin júzege asyrý kezinde adamdarǵa tıisinshe kóńil bólýge, azamattyq jáne qyzmettik paryzyna adal bolýǵa;20) óziniń jalpy qyzmetimen Mınıstrliktiń bedelin budan ári damytýǵa jáne nyǵaıtýǵa yqpal etýge;21) Mınıstrlik basshylyǵynyń onyń quzyreti sheginde berilgen tapsyrmalaryn keleńsiz talqylaý ujymdaǵy moraldyq-psıhologııalyq klımatqa keri áser tıgizetinin bilýge;22) ózine tapsyrylǵan jumysty adal oryndaýǵa, qujattarmen yqylaspen jáne zer salyp jumys isteýge, árqashan Mınıstrliktiń múddesin basshylyqqa alýǵa;23) basshylardyń tapsyrmalaryn oryndaý barysynda obektıvti jáne shynaıy málimetter berýge;24) Mınıstrlikpen eńbek qatynastaryn toqtatqan jaǵdaıda qolyndaǵy bar qujattamany, aqparatty, olardyń kóshirmelerin ózine qaldyrmastan, Mınıstrliktiń basshylyǵyna tolyq kólemde berýge;25) bir birine tilektestik qarym-qatynas jasaýǵa, qarapaıymdylyq pen sypaıylyq tanytýǵa, negizsiz synaýǵa jáne áriptesterine zııan keltiretin ózge de qasaqana is-áreketterge barmaýǵa;26) búrkenish nemese memlekettik qyzmetshilerdi kemsitý maqsatyn kózdeıtin ótinishterdiń (aryzdardyń) qarastyrylýyna jol bermeýge;27) óziniń qyzmettik mindetterin atqarý kezeńinde kıimniń iskerlik qalpyn ustanýǵa tıis.4. Mınıstrliktiń memlekettik qyzmetshileriniń kásibı qyzmetten tys jeke qatynastary qyzmet babyndaǵy joǵarylaý, kótermeleý nemese jazalaý, kadrlyq jáne áleýmettik máselelerdi sheshý úshin negiz bolyp tabylmaýy tıis; Mınıstrliktiń memlekettik qyzmetshileriniń saıası partııalardyń, qoǵamdyq birlestikterdiń, úkimettik emes uıymdardyń, kásiptik odaqtardyń jáne óze de uıymdardyń ókilderimen Mınıstrlik quzyretine jatqyzylǵan máseleler boıynsha qarym-qatynastary iskerı jáne sypaıy bolýy tıis;5. Laýazymdyq ókilettikterin oryndaý barysynda alynǵan aqparatqa qatysty kásibı qupııany saqtaý jónindegi mindetti tıisinshe oryndaýda da kásibılik kórsetýi tıis.6. Mınıstrliktiń qyzmeti máseleleri boıynsha kópshiliktiń aldynda sóz sóıleýdi Mádenıet jáne aqparat mınıstri nemese osyǵan ýákiletti laýazymdy tulǵalar júzege asyrady.Mınıstrliktiń memlekettik qyzmetshileri memlekettik qyzmettiń bedeline nusqan keltirmeı, pikirsaıysty ádepti túrde júrgizedi.7. Memlekettik qyzmetshiler memlekettik saıasat jáne qyzmettik isiniń máseleleri jónindegi óz pikirin, eger ol:1) memleket saıasatynyń negizgi baǵyttaryna sáıkes emes nemese;2) jarııalaýǵa ruqsat etilmegen qyzmettik aqparatty ashatyn bolsa3) memlekettiń laýazymdy tulǵalarynyń, memlekettik basqarý organdarynyń, basqa da memlekettik qyzmetshilerdiń atyna ádepke saı emes sózder aıtýdan tursa, kópshilik aldynda bildirýine bolmaıdy.8. Mınıstrliktiń memlekettik qyzmetshileri Kodekspen jáne memlekettik qyzmet jáne sybaılas jemqorlyqpen kúres týraly zańnamamen belgilengen sybaılas jemqorlyqqa qarsy minez-qulyqty saqtýǵa tıis.
Buıryq Qazaqstan Respýblıkasynyń Ádilet mınıstrliginde 2013 jylǵy 25 jeltoqsanda Normatıvtik quqyqtyq kesimderdi memlekettik tirkeýdiń tizilimine №9023 bolyp engizildi.