Qazaqstan Prezıdenti Qasym-Jomart Toqaev usynǵan saıası reformalar zań júzinde bekitilip, is júzine asa bastady. Elimizde ótken aýyl ákimderin saılaý – sonyń aıǵaǵy.
Aldyn ala málimetter boıynsha Almaty oblysynda saılaýshylardyń jalpy sanynyń 61 paıyzy naýqanǵa qatysty nemese 135063 adam daýys berdi dep aıta alamyz. Iаǵnı Almaty oblysynyń keıbir aýdanynyń turǵyndary osy saılaýda da joǵary belsendilik tanytty. Mysaly, Balqash aýdany boıynsha 6 okrýg ákimdigine saılaý ótti. Bul okrýgterde saılaýshylar belsendilik tanytyp, saǵat 16.00-ge deıin saılaýshylardyń 90 paıyzy nemese 4691adam daýys berdi. Sondaı-aq Alakól aýdany boıynsha saılaý ótip jatqan 8 okrýg boıynsha 87 paıyz, Kegen aýdanyndaǵy 5 okrýg boıynsha 84 paıyz, Sarqan aýdanyndaǵy 3 okrýg boıynsha 83 paıyz, Aqsý aýdany 9 okrýg,Uıǵyr aýdany 6 okrýg 80 paıyz saılaýshylar daýysyn jınady.
Árıne, úrdis barysynda daý týyp, zań buzý bolmady. О́ıtkeni saılaýdyń baǵyty anyq. Aýyl turǵyndary óz aýylynyń azamattaryn, ıaǵnı ákim bolýdan úmkitker kandıdattaryn jaqsy tanıdy. Sondyqtan bura tartý degen bolmaıtyny aldyn ala bilingen. Básekelestik te baıqaldy. Jalpy, alǵashqy aýyl ákimderin saılaý mamyrajaı qalypta ótti.
Aınagúl Demkenova,
táýelsiz baıqaýshy, aımaqtaǵy kommersııalyq emes kúshterdiń «Tamshybulaq» qoǵamdyq birlestigi tobynyń basshysy, Ulttyq baıqaýshylar lıgasynyń múshesi
Almaty oblysy