Elimizde 2 mlrd aǵash otyrǵyzý maqsatynda jasalyp jatqan jumysty baqylaý úshin ınteraktıvti karta ázirlenip jatyr.
Memleket basshysy Qasym-Jomart Toqaevtyń 2020 jylǵy 1 qyrkúıektegi Qazaqstan halqyna Joldaýynda 2 mlrd aǵash otyrǵyzýdy qamtamasyz etýdi jáne osy jumystardyń oryndalý barysyn baqylaý úshin ınteraktıvti karta ázirleýdi tapsyrǵan bolatyn. Osy tapsyrmany iske asyrý maqsatynda Ekologııa, geologııa jáne tabıǵı resýrstar mınıstrligi Sıfrlyq damý, ınnovasııalar jáne aeroǵarysh ónerkásibi mınıstrligimen birlesip máseleni pysyqtady.
«Qazaqstan ǵarysh sapary» ulttyq kompanııasy» AQ EGTRM Orman sharýashylyǵy jáne janýarlar dúnıesi komıtetiniń «Qazaq orman ornalastyrý kásiporny» RMQK tapsyrysy boıynsha 2 mlrd aǵash otyrǵyzý jumys barysyn monıtorıngteý úshin ınteraktıvti kartasyn ázirleýde.
Jerdi qashyqtyqtan zondtaý negizindegi ınteraktıvti karta halyqqa mobıldi nusqada da qoljetimdi bolady dep josparlanýda. Barlyq múddeli tulǵalar, qoǵamdyq uıymdar jáne elimizdiń árbir azamaty osy jumysty qadaǵalap, óz usynystary men eskertýlerin ýákiletti organǵa joldaı alady.
«Egemen-aqparat»