Elimizde turmystyq zorlyq-zombylyqqa qatysty jaýapkershilik kúsheıtilmek. Bul týraly QR IIM Ákimshilik polısııa komıteti tóraǵasynyń orynbasary Alekseı Mılıýk málim etti, dep habarlaıdy Egemen.kz.
«Qoldanystaǵy zańnamaǵa sáıkes, quqyq qorǵaý organdary ákimshilik is júrgizýdi zardap shegýshiniń ótinishinsiz de iske asyra alady. Degenmen otbasylyq zorlyq-zombylyq kórgen áıel, ıaǵnı zardap shegýshi, kóp jaǵdaıda kúıeýine psıhologııalyq, qarjylyq jaǵynan táýeldi bolǵandyqtan máseleni ýshyqtyrǵysy kelmeı, tatýlasýǵa kelisimin beredi. О́tken jyly bizge elimiz boıynsha turmystyq zorlyq-zombylyqtyń qurbanymyn dep jazylǵan 190 myń ótinish kelip tústi. Sonyń 4/1 ǵana sotqa deıingi tergeýge jiberildi. Jalpy, zorlyq-zombylyqqa qatysty ákimshilik is júrgizýdiń 60 paıyzy ekijaqtyń tatýlasýyna baılanysty toqtylady. Osy oraıda biz turmystyq zorlyq-zombylyq oryn alǵan jaǵdaıda ekijaqtyń tatýlasý prosesin qaıta qaraýdy qolǵa alyp jatyrmyz. Iаǵnı, aldaǵy ýaqytta kúıeýi tarapynan áıeline qol kóterý qaıtalanǵan jaǵdaıda, tatýlasýdy boldyrmaý josparda bar», dedi Alekseı Mılıýk QR IIM-de onlaın ótken baspasóz máslıhatynda.