Asa aýyr salmaqta kúsh synasyp júrgen tanymal qazaqstandyq kásipqoı boksshy Isa Aqperbaevtyń óziniń kelesi jekpe-jegin 7-tamyzda ótkizedi, dep habarlaıdy Egemen.kz.
Qostanaı oblysynda dúnıege kelgen 37 jastaǵy qandasymyz 2009 jyldan beri kásipqoı rıngte kúsh synasyp júr. Sol aralyqta 23 kezdesý ótkizgen Isa 20 márte jeńiske jetti. 15 qarsylasyn esinen tandyrdy. Bir báseke esepke alynbady. Eń ókinishitisi, ol óziniń sońǵy eki jekpe-jeginde oısyraı utyldy. Atap aıtsaq, 2019 jyly Ekaterınbýrgte dańqty reseılik boksshy Evgenıı Tıshenkoǵa ese jiberse, Almatydaǵy jarysta Qamshybek Qońqabaevqa jol berdi. Endi ol 7 tamyzda qaıta sharshy alańǵa shyǵady.
Ulybrıtanııanyń astanasy – Londonda ótetin aıtýly boks keshinde Aqperbaev 33 jastaǵy jergilikti bylǵary qolǵap sheberi Djon Makkallýmmen judyryqtasady. Osy kúnge deıin ol 14 ret aıqas alańyna shyǵyp, 12 ret jeńis toıyn toılady.