Qazgıdromet 29 shildege arnalǵan aýa raıy boljamyn jarııalady, dep habarlaıdy Egemen.kz.
Antısıklon jotasynyń áserinen Qazaqstan aýmaǵynyń basym bóliginde kún ashyq bolady.
Tek elimizdiń soltústiginde, ortalyǵynda jáne ońtústik-shyǵysynda atmosferalyq aýa aǵyndary bólikterdiń ótýi áserinen naızaǵaı jarqyldap, ótkinshi jańbyr jaýady, burshaq jaýýy múmkin.
Respýblıka boıynsha keı jerlerde jeldiń kúsheıýi, ońtústik jáne ońtústik-shyǵysta shańdy daýyl turýy kútiledi.
Jambyl, Túrkistan, Qyzylorda oblystarynyń keı jerlerinde shańdy daýyl turyp, jel 15-20 m/s kúsheıedi, Jambyl oblysynda kúndiz taýly aýdandarda burshaq jaýýy yqtımal.
Qaraǵandy, Soltústik Qazaqstan, tańerteń jáne kúndiz Pavlodar, kúndiz Aqmola oblystarynda jeliń jyldamdyǵy 15-20 m/s jetedi, túnde Soltústik Qazaqstan oblysynyń keı jerlerinde burshaq kútiledi.
Kúndiz Almaty oblysynyń taýly aýdandarynda burshaq túsýi múmkin.
Kúndiz Jambyl oblysynda aptap ystyq saqtalady, Batys Qazaqstan oblysynyń ońtústik-batysynda da qatty ystyq bolady.
Qyzylorda, Túrkistan, Mańǵystaý, Jambyl oblystarynyń basym bóliginde, Atyraý, Almaty, Aqtóbe, Qaraǵandy oblystarynyń keı jerlerinde, Qostanaı oblysynyń ońtústiginde, Aqmola, Shyǵys Qazaqstan oblystarynyń jekelegen aýdandarynda órt qaýpi saqtalady.