Úndistanda jasóspirim qyz djınsy kıgeni úshin ómirinen aıyryldy, dep habarlaıdy Egemen.kz bbc.com saıtyna silteme jasap.
Atalǵan oqıǵa 20 shildede oryn aldy. 17 jastaǵy Neha Pasvaný ata-anasy jumys istegen kezde ata-ájesiniń úıinde ýaqyt ótkizgen.
«Neha dúısenbi kúni oraza ustady, tańerteń duǵa etti. Keshke namazdan keıin ol eshkimnen ruqsat suramaı djınsy shalbar kıdi. Alaıda, onyń ájesi, atasy, aǵasy men tátesi djınsy kııýge narazylyq bildirdi. Buǵan Neha úkimet qyzdarǵa djınsy kııýge ruqsat berdi dep jaýap berdi. Sondyqtan men djınsy kıip, oqyp, jazyp, zaman talabyna saı qoǵamda ómir súrýim kerek», dedi Nehanyń anasy.
Áıeldiń aıtýynsha, osydan keıin ájesi, atasy, aǵasy jáne tátesi qyzyn ólerdeı sabap, aýrýhanaǵa apardy. Aınalasyndaǵylarǵa qyzdyń esinen tanyp qalǵanyn aıtqan.
Aqyr sońynda, Nehanyń denesi Gandakı ózenindegi Paton kópirinen tabyldy. Qyzdyń týystary onyń denesinen qutylýǵa tyrysqan.
Polısııa qyzdyń týystary men olardy kópirge deıin jetkizgen kólik júrgizýshisin qatygez kisi óltirýdiń qatysýshylary men sybaılastary retinde qamaýǵa aldy.